Awit

148 Purihin ninyo si Jah!+

Purihin ninyo si Jehova mula sa langit,+

Purihin ninyo siya sa kaitaasan.+

 2 Purihin ninyo siya, ninyong lahat na mga anghel niya.+

Purihin ninyo siya, ninyong lahat na hukbo niya.+

 3 Purihin ninyo siya, ninyong araw at buwan.+

Purihin ninyo siya, ninyong lahat na mga bituin ng liwanag.+

 4 Purihin ninyo siya, ninyong mga langit ng mga langit,+

At ninyong tubig na nasa ibabaw ng langit.+

 5 Purihin nila ang pangalan ni Jehova;+

Sapagkat siya ang nag-utos, at sila ay nalalang.+

 6 At pinananatili niya sila magpakailanman, hanggang sa panahong walang takda.+

Isang tuntunin ang ibinigay niya, at hindi iyon lilipas.+

 7 Purihin ninyo si Jehova mula sa lupa,+

Ninyong mga dambuhalang hayop-dagat at ninyong lahat na matubig na mga kalaliman,+

 8 Kayong apoy at graniso, niyebe at makapal na usok,+

Ikaw na maunos na hangin, na gumaganap ng kaniyang salita,+

 9 Kayong mga bundok at kayong lahat na mga burol,+

Kayong mga namumungang punungkahoy at kayong lahat na mga sedro,+

10 Kayong maiilap na hayop at kayong lahat na maaamong hayop,+

Kayong mga gumagapang na bagay at mga ibong may pakpak,+

11 Kayong mga hari sa lupa+ at kayong lahat na mga liping pambansa,

Kayong mga prinsipe+ at kayong lahat na mga hukom sa lupa,+

12 Kayong mga binata+ at kayo ring mga dalaga,+

Kayong matatandang lalaki+ pati na ang mga batang lalaki.+

13 Purihin nila ang pangalan ni Jehova,+

Sapagkat ang kaniyang pangalan lamang ang di-maabot sa kataasan.+

Ang kaniyang dangal ay nasa itaas ng lupa at langit.+

14 At itataas niya ang sungay ng kaniyang bayan,+

Ang papuri ng lahat ng kaniyang mga matapat,+

Ng mga anak ni Israel, na bayang malapit sa kaniya.+

Purihin ninyo si Jah!+