Awit

26 Hatulan mo ako,+ O Jehova, sapagkat ako ay lumakad sa aking katapatan,+

At kay Jehova ako nagtiwala, upang hindi ako sumuray.+

 2 Suriin mo ako, O Jehova, at ilagay mo ako sa pagsubok;+

Dalisayin mo ang aking mga bato at ang aking puso.+

 3 Sapagkat ang iyong maibiging-kabaitan ay nasa harap ng aking mga mata,

At lumakad ako sa iyong katotohanan.+

 4 Hindi ako umupong kasama ng mga taong bulaan;+

At hindi ako pumapasok na kasama ng mga mapagpakunwari.+

 5 Kinapopootan ko ang kongregasyon ng mga manggagawa ng kasamaan,+

At hindi ako umuupong kasama ng mga balakyot.+

 6 Huhugasan ko ang aking mga kamay sa kawalang-sala,+

At lalakad ako sa palibot ng iyong altar, O Jehova,+

 7 Upang maiparinig nang malakas ang pasasalamat,+

At upang ipahayag ang lahat ng iyong mga kamangha-manghang gawa.+

 8 Jehova, iniibig ko ang tahanan sa iyong bahay+

At ang dako na tinatahanan ng iyong kaluwalhatian.+

 9 Huwag mong kuning kasama ng mga makasalanan ang aking kaluluwa,+

Ni ang aking buhay na kasama ng mga taong may pagkakasala sa dugo,+

10 Na sa kanilang mga kamay ay may mahalay na paggawi,+

At ang kanilang kanang kamay ay punô ng panunuhol.+

11 Sa ganang akin, lalakad ako sa aking katapatan.+

O tubusin mo ako+ at pagpakitaan mo ako ng lingap.+

12 Ang paa ko ay tatayo nga sa patag na dako;+

Sa gitna ng mga nagkakatipong karamihan ay pagpapalain ko si Jehova.+