Watchtower ONLINE LIBRARY

Deuteronomio 12:2, 3

Bagong Sanlibutang Salin ng Banal na Kasulatan (Edisyon sa Pag-aaral)
- 2 Lubusan ninyong wasakin ang lahat ng lugar kung saan naglingkod sa mga diyos nila ang mga bansang itataboy ninyo+—sa matataas na bundok, sa mga burol, o sa ilalim ng anumang mayabong na puno. 3 Wasakin ninyo ang mga altar nila, gibain ang mga sagradong haligi nila,+ sunugin ang mga sagradong poste* nila, at pabagsakin ang mga inukit na imahen ng mga diyos nila;+ burahin ninyo ang pangalan ng mga ito sa lugar na iyon.+

Isaias 57:5

Bagong Sanlibutang Salin ng Banal na Kasulatan (Edisyon sa Pag-aaral)
- 5 Ang mga nag-aalab ang damdamin sa gitna ng malalaking puno,+
  Sa ilalim ng bawat mayabong na puno,+
  Na pumapatay ng mga anak sa mga lambak,*+
  Sa ilalim ng mga bitak ng malalaking bato?

Jeremias 2:20

Bagong Sanlibutang Salin ng Banal na Kasulatan (Edisyon sa Pag-aaral)
- 20 ‘Winasak ko noong unang panahon ang pamatok mo,+
  At nilagot ko ang iyong mga kadena.
  
  Pero sinabi mo: “Hindi ako maglilingkod,”
  
  Dahil sa bawat mataas na burol at sa ilalim ng bawat mayabong na puno+
  Ay humihilata ka at ipinagbibili ang iyong sarili.+

Oseas 4:13

Bagong Sanlibutang Salin ng Banal na Kasulatan (Edisyon sa Pag-aaral)
- 13 Naghahain sila sa tuktok ng mga bundok+
  At nagsusunog ng handog sa mga burol,
  Sa ilalim ng mga puno ng ensina at estorake at bawat malaking puno+
  Dahil malilim sa mga iyon.
  
  Kaya naman nakikiapid* ang inyong mga anak na babae
  At nangangalunya ang inyong mga manugang na babae.