Watchtower ONLINE LIBRARY

Isaias 11:6, 7

Bagong Sanlibutang Salin ng Banal na Kasulatan (Edisyon sa Pag-aaral)
- 6 Ang lobo* ay magpapahingang kasama ng kordero,*+
  Ang leopardo ay hihigang kasama ng batang kambing,
  At ang guya* at ang leon at ang pinatabang hayop ay magsasama-sama;*+
  At isang munting bata ang aakay sa kanila.
  
  7 Ang baka at ang oso ay magkasamang manginginain;
  At ang mga anak ng mga ito ay hihigang magkakasama.
  
  Ang leon ay kakain ng dayami gaya ng toro.+

Isaias 65:25

Bagong Sanlibutang Salin ng Banal na Kasulatan (Edisyon sa Pag-aaral)
- 25 Ang lobo* at ang kordero* ay manginginaing magkasama,
  Ang leon ay kakain ng dayami gaya ng toro,+
  At ang kakainin ng ahas ay alabok.
  
  Hindi sila mananakit o maninira sa aking buong banal na bundok,”+ ang sabi ni Jehova.

Ezekiel 34:25

Bagong Sanlibutang Salin ng Banal na Kasulatan (Edisyon sa Pag-aaral)
- 25 “‘“At makikipagtipan ako sa kanila para sa kapayapaan,+ at aalisin ko sa lupain ang mababangis na hayop,+ para makapanirahan sila sa ilang nang panatag at makatulog sa mga gubat.+

Oseas 2:18

Bagong Sanlibutang Salin ng Banal na Kasulatan (Edisyon sa Pag-aaral)
- 18 Sa araw na iyon, makikipagtipan ako sa mababangis na hayop sa parang alang-alang sa bayan ko,+
  Pati sa mga ibon sa langit at gumagapang na nilikha sa lupa;+
  Aalisin ko sa lupain ang pana at espada at digmaan,+
  At maninirahan* sila nang panatag.+