Mga Awit

143 O Jehova, dinggin mo ang panalangin ko;+

Pakinggan mo ang paghingi ko ng tulong.

 2 Huwag mong dalhin sa hukuman mo ang iyong lingkod;

Dahil walang sinumang nabubuhay ang maaaring maging matuwid sa harap mo.+

 3 Tinutugis ako ng kaaway;

Dinurog niya ako sa lupa.

 4 Nanghihina ako;*+

Wala nang maramdaman ang puso ko.+

 5 Inaalaala ko ang mga pangyayari noon;

Pinag-iisipan kong mabuti ang lahat ng ginagawa mo;+

May pananabik kong binubulay-bulay* ang gawa ng mga kamay mo.

 6 Itinataas ko sa iyo ang mga kamay ko;

Para akong tuyong lupain na uhaw sa iyo.+ (Selah)

 7 Sagutin mo ako agad, O Jehova;+

Nasaid na ang lakas* ko.+

Huwag mong itago sa akin ang iyong mukha;+

Kung hindi ay magiging gaya ako ng mga bumababa sa hukay.*+

 8 Sa umaga ay iparinig mo sa akin ang tungkol sa iyong tapat na pag-ibig,

Dahil nagtitiwala ako sa iyo.

Ipaalám mo sa akin ang daan na dapat kong lakaran,+

Dahil sa iyo ako umaasa.

10 Turuan mo akong gawin ang kalooban mo,+

Dahil ikaw ang aking Diyos.

Ang espiritu mo ay mabuti;

Patnubayan nawa ako nito sa patag na lupa.*

12 Dahil sa iyong tapat na pag-ibig, lipulin* mo ang mga kaaway ko;+

Puksain mo ang lahat ng nagpapahirap sa akin,+

Dahil ako ay lingkod mo.+