Mga Awit

 2 Lumapit tayo sa harap niya at magpasalamat;+

Umawit tayo at humiyaw sa kaniya dahil sa tagumpay.

 3 Dahil si Jehova ay dakilang Diyos,

Isang dakilang Hari sa lahat ng iba pang diyos.+

 4 Nasa kamay niya ang kailaliman ng lupa;

Sa kaniya ang tuktok ng mga bundok.+

 5 Ang dagat, na ginawa niya, ay pag-aari niya,+

At ang mga kamay niya ang humubog sa tuyong lupa.+

 6 Halikayo, sumamba tayo at yumukod;

Lumuhod tayo sa harap ni Jehova na ating Maylikha.+

 7 Dahil siya ang ating Diyos,

At tayo ang bayan na pinapastulan niya,

Ang mga tupang inaalagaan niya.*+

Ngayon, kung nakikinig kayo sa tinig niya,+

 8 Huwag ninyong patigasin ang puso ninyo gaya ng nangyari sa Meriba,*+

Gaya ng nangyari sa Masah* sa ilang,+

 9 Nang subukin ako ng mga ninuno ninyo;+

Hinamon nila ako, kahit nakita nila ang mga ginawa ko.+

“Sila ay isang bayang laging lumilihis ang puso;

Hindi nila natutuhan ang mga daan ko.”