Mga Kawikaan

 2 Ang lahat ng lakad ng tao ay tama sa paningin niya,+

Pero sinusuri ni Jehova ang mga puso.*+

 3 Ang paggawa ng tama at makatarungan

Ay mas gusto ni Jehova kaysa sa hain.+

 4 Ang mapagmataas na mga mata at mayabang na puso

Ang lampara ng masasama, at ang mga ito ay kasalanan.+

 5 Ang mga plano ng masipag ay tiyak na magtatagumpay,*+

Pero ang lahat ng padalos-dalos ay tiyak na maghihirap.+

 6 Ang kayamanang nakuha gamit ang sinungaling na dila

Ay gaya ng singaw na naglalaho, isang nakamamatay na bitag.*+

 7 Ang karahasan ng masasama ay kakaladkad sa kanila,+

Dahil ayaw nilang maging makatarungan.

 8 Liko ang landas ng taong makasalanan,

Pero matuwid ang gawain ng taong walang-sala.+

 9 Mas mabuti pang tumira sa bubong*

Kaysa makasama sa bahay ang asawang babae na mahilig makipagtalo.*+

10 Ang masamang tao ay naghahangad ng masama;+

Hindi siya gumagawa ng mabuti sa kapuwa niya.+

11 Kapag pinarusahan ang manunuya, natututo ang walang karanasan,

At kapag nagkaroon ng kaunawaan ang taong marunong, nadaragdagan ang kaalaman niya.*+

12 Tinitingnan ng Matuwid ang bahay ng masama;

Ibinabagsak niya ang masasama para mapahamak sila.+

13 Ang nagtatakip ng tainga kapag dumaraing ang mahirap

Ay hindi pakikinggan kapag siya naman ang tumawag.+

14 Ang lihim na regalo ay nagpapahupa ng galit,+

At ang palihim na panunuhol* ay nagpapahupa ng matinding galit.

15 Ikinatutuwa ng matuwid ang pagkilos nang may katarungan,+

Pero ayaw na ayaw ito ng mga gumagawa ng masama.

16 Ang taong lumilihis mula sa daan ng kaunawaan

Ay makakasama ng mga patay.+

17 Ang mahilig sa kasayahan* ay maghihirap;+

Ang mahilig sa alak at langis ay hindi yayaman.

18 Ang masama ay pantubos para sa matuwid,

At ang taksil ay pantubos para sa tapat.+

19 Mas mabuti pang tumira sa ilang

Kaysa makasama ang asawang babae na mahilig makipagtalo* at madaling mainis.+

20 Ang mahalagang kayamanan at langis ay makikita sa bahay ng marunong,+

Pero lulustayin* ng mangmang kung ano ang mayroon siya.+

21 Ang nagtataguyod ng katuwiran* at tapat na pag-ibig

Ay magkakamit ng buhay, katuwiran, at karangalan.+

22 Kayang akyatin* ng marunong ang lunsod ng malalakas na tao,

At mapababagsak niya ang moog* na pinagtitiwalaan nila.+

23 Ang nagbabantay sa kaniyang bibig at dila

Ay nakaiiwas sa problema.+

24 Tinatawag na mapagmataas at hambog

Ang taong sobrang pangahas sa mga pagkilos niya.+

25 Ang hinahangad ng tamad ang papatay sa kaniya,

Dahil ayaw magtrabaho ng mga kamay niya.+

26 Puro kasakiman ang nasa isip niya buong araw,

Pero ang matuwid ay nagbibigay at hindi nagkakait ng anuman.+

28 Ang sinungaling na testigo ay mamamatay,+

Pero magiging matagumpay na testigo* ang taong nakikinig na mabuti.

29 Pinatatapang ng masamang tao ang mukha niya,+

Pero ang landasin ng matuwid ang totoong matatag.*+

31 Inihahanda ang kabayo para sa araw ng labanan,+

Pero ang kaligtasan ay mula kay Jehova.+