Mga Awit

Sa direktor. Maskil.* Awit ni David, nang dumating si Doeg na Edomita at magsabi kay Saul na pumunta si David sa bahay ni Ahimelec.+

52 Bakit mo ipinagyayabang ang masasama mong ginagawa, ikaw na makapangyarihan?+

Ang tapat na pag-ibig ng Diyos ay ipinapakita niya buong araw.+

2 Ang dila mong kasintalas ng labaha+

Ay nagpapakana ng kapahamakan at nanlilinlang.+

3 Mas mahal mo ang kasamaan kaysa sa kabutihan,

Ang pagsisinungaling kaysa sa pagsasabi ng totoo. (Selah)

4 Iniibig mo ang bawat salitang nagpapahamak,

O ikaw na dilang mapanlinlang!

5 Kaya ibabagsak ka ng Diyos at hindi ka na makababangon;+

Kukunin ka niya at kakaladkarin palayo sa tolda mo;+

Bubunutin ka niya mula sa lupain ng mga buháy.+ (Selah)

6 Makikita iyon ng mga matuwid at mamamangha sila,+

At pagtatawanan nila siya.+

7 “Narito ang isang lalaki na hindi nanganlong sa* Diyos,+

Kundi nagtiwala sa dami ng kayamanan niya+

At umasa* sa sarili niyang masasamang pakana.”*

8 Pero ako ay magiging gaya ng mayabong na punong olibo sa bahay ng Diyos;

Magtitiwala ako sa tapat na pag-ibig+ ng Diyos magpakailanman.

9 Pupurihin kita magpakailanman dahil sa ginawa mo;+

Sa harap ng mga tapat sa iyo,

Aasa ako sa pangalan mo,+ dahil ito ay mabuti.