Awit 175
Ang Langit ay Naghahayag ng Kaluwalhatian ng Diyos
1. Ang langit ay kay Jah lumuluwalhati;
Mga gawa niya ay ating nakikita.
Araw-araw ay pinupuri;
Bawa’t gabi sumasaksi, kadakilaan niya.
2. Batas ng Diyos nagbibigay ng buhay,
Walang karanasa’y di na maliligaw.
Dulot sa puso’y kasiyahan;
Sa utos niya’y huwag sisinsay, buhay tinatanaw.
3. Takot sa Diyos, walang hangga’t dalisay.
Kanyang kahatula’y matwid at magaling.
Higit pa kaysa gintong yaman,
Anong sarap na malasap; pulot ang kahambing.
4. Salamat sa iyong paalaala;
Kung aming ingatan biyaya’y matamo.
Nawa ang ating gawa’t isip
Matwid, tapat, siyang marapat sa ’ting Soberano.