3:3

Matapos ninyong simulan na magpagabay sa espiritu: O “Matapos ninyong simulan ang espirituwal na landasin.” Lit., “Matapos ninyong magsimula sa espiritu.” Nagsisimula na sanang sumulong sa espirituwal ang mga Kristiyano sa Galacia. Noong una, kumikilos sila kaayon ng banal na espiritu ng Diyos at nagpapagabay dito.

tatapusin ba ninyo ang inyong landasin nang nagpapagabay sa laman?: Lit., “magtatapos ba kayo sa laman?” “Matapos [nilang] simulan na magpagabay sa espiritu,” nagpaimpluwensiya ang mga taga-Galacia sa mga lalaking hindi nagpapagabay dito, partikular na ang mga nagtataguyod ng pagtutuli at mahigpit na pagsunod sa Kautusang Mosaiko. (Gal 3:1; 5:2-6) Dahil sa ganiyang “landasin,” puwedeng mahadlangan ang pagsulong nila sa espirituwal at manganib ang pag-asa nilang mabuhay nang walang hanggan.—Gal 6:8.