7. (a) Ano ang ipinanata ni Hana, at bakit? Ano ang resulta nito sa kaniya? (b) Ano ang naging epekto nito kay Samuel? (Tingnan ang talababa.)

⁷ May-katapatan ding tinupad ni Hana ang kaniyang panata kay Jehova. Ginawa niya ang pangakong ito noong nababalisa siya sa kaniyang pagkabaog at sa walang-tigil na pang-iinsultong nararanasan niya. (1 Sam. 1:4-7, 10, 16) Ibinuhos ni Hana sa Diyos ang kaniyang niloloob at nanata: “O Jehova ng mga hukbo, kung walang pagsalang titingnan mo ang kapighatian ng iyong aliping babae at aalalahanin mo nga ako, at hindi mo kalilimutan ang iyong aliping babae at bibigyan mo nga ang iyong aliping babae ng isang supling na lalaki, ibibigay ko siya kay Jehova sa lahat ng mga araw ng kaniyang buhay, at walang labaha ang daraan sa kaniyang ulo.”a (1 Sam. 1:11) Sinagot ang kahilingan ni Hana, at nagsilang siya ng isang anak na lalaki. Tiyak na napakasaya niya! Pero hindi niya nakalimutan ang panata niya sa Diyos. Matapos isilang ang kaniyang sanggol, sinabi niya: “Hiniling ko siya mula kay Jehova.”—1 Sam. 1:20.