-
Pinalakas ng Isang Mensahero Mula sa DiyosMagbigay-Pansin sa Hula ni Daniel!
-
-
17, 18. Paano natulungan si Daniel sa ikalawang pagkakataon, at ano ang nagawa niya dahilan dito?
17 Sa halip na maantig si Daniel dahilan sa pagtanggap ng gayong nakatatawag-pansing mensahe, lumilitaw na ang mga bagay na narinig niya ay nagkaroon ng negatibong epekto sa kaniya. Ang ulat ay nagsasabi: “At nang makipag-usap siya sa akin sa mga salitang gaya nito, itinungo ko ang aking mukha sa lupa at hindi ako nakapagsalita.” Subalit ang mensaherong anghel ay handang magbigay ng maibiging tulong—sa ikalawang pagkakataon. Sinabi ni Daniel: “Narito! isang gaya ng wangis ng mga anak ng tao ang humipo sa aking mga labi, at ako ay nagbuka ng aking bibig at nagsalita.”b—Daniel 10:15, 16a.
18 Si Daniel ay napalakas nang hipuin ng anghel ang kaniyang mga labi. (Ihambing ang Isaias 6:7.) Sa pagsasauli ng kaniyang kakayahang magsalita, naipaliwanag ni Daniel sa mensaherong anghel na ito ang hirap na kaniyang tinitiis. Sinabi ni Daniel: “O panginoon ko, dahil sa kaanyuan ay bigla akong dinatnan ng mga pangingisay sa loob ko, at walang lakas na nanatili sa akin. Kaya paano nagawa ng lingkod ng panginoon kong ito ang makipag-usap sa panginoon kong ito? At kung tungkol sa akin, hanggang sa ngayon ay wala pang lakas na nanunumbalik sa akin, at walang hininga ang naiwan sa akin.”—Daniel 10:16b, 17.
19. Paano natulungan si Daniel sa ikatlong pagkakataon, at ano ang naging resulta?
19 Si Daniel ay hindi nagrereklamo o nagdadahilan. Kaniya lamang inilalahad ang kaniyang mabigat na kalagayan, at naunawaan naman ng anghel ang kaniyang sinabi. Kaya, sa ikatlong pagkakataon, si Daniel ay tinulungan ng mensaherong anghel. “Hinipo akong muli ng isang iyon na may anyong gaya ng sa makalupang tao at pinalakas ako,” ang sabi ng propeta. Ang nagpapalakas na hipong iyon ay sinundan ng mensahero ng nakaaaliw na mga salitang ito: “Huwag kang matakot, O lubhang kalugud-lugod na lalaki. Magkaroon ka nawa ng kapayapaan. Magpakalakas ka, oo, magpakalakas ka.” Ang maibiging hipong iyon at ang mga nakapagpapatibay na mga salita sa wari’y siyang talagang kailangan ni Daniel. Ang resulta? Ipinahayag ni Daniel: “At nang makipag-usap siya sa akin ay ginamit ko ang aking buong lakas at pagkatapos ay sinabi ko: ‘Magsalita nawa ang aking panginoon, sapagkat pinalakas mo ako.’” Si Daniel ay handa na ngayon para sa isa pang mahirap na atas.—Daniel 10:18, 19.
-
-
Pinalakas ng Isang Mensahero Mula sa DiyosMagbigay-Pansin sa Hula ni Daniel!
-
-
b Bagaman maaaring ang anghel na nagsasalita kay Daniel ang siya ring humipo sa kaniyang mga labi anupat natauhan siyang muli, ang mga salitang ginamit dito ay nag-iiwan ng posibilidad na may iba pang anghel, marahil ay si Gabriel, ang gumawa nito. Sa paano man, si Daniel ay napalakas ng isang mensaherong anghel.
-