Dipesalema

83 Ao tlhe Modimo, o se ka wa didimala fela;+

O se ka wa tlhoka puo* kgotsa wa ema fela o sa dire sepe tlhe Modimo.

 2 Gonne baba ba gago ba tsositse khuduego;+

Batho ba ba go tlhoileng ba dira dilo ka mabela.*

 3 Ba logela batho ba gago maano mo sephiring ka boferefere;

Ba buisana mmogo gore ba tlhasele batho ba gago ba o ba ratang.*

 4 Ba re: “Tlang, a re nyeletseng setšhaba seno sotlhe,+

Gore leina la Iseraele le se ka la tlhola le gopolwa.”

 5 Ba loga leano ba le seoposengwe;*

Ba dirile tumalano* ya go lwa le wena.+

 6 Bano ke Baedoma le Baishemaele,* Bamoabe+ le Bahagare,+

 7 Bagebale le Baamone+ le Baamaleke,

Bafilisitia+ mmogo le banni ba Ture.+

 8 Asiria+ le yone e ikgolagantse le bone;

Ba thusa* bomorwa Lote.+ (Selah)

 9 Ba dire fela jaaka o dirile Midiana,+

Fela jaaka o dirile Sisera le Jabine kwa molapong wa Kishone.+

10 Ba ne ba fedisiwa kwa Ene-dore;+

Ba ne ba fetoga motshotelo wa mmu.

11 Dira batlotlegi ba bone jaaka o dirile Orebe le Seebe+

Le dikgosana* tsa bone o di dire jaaka o dirile Seba le Salamuna,+

12 Gonne ba ne ba re: “A re gapeng lefatshe le Modimo a nnang mo go lone.”

13 Ao tlhe Modimo wa me, ba dire fela jaaka mofero o o itshokeletsang,+

Jaaka lotlhaka lo lo phepheulwang ke phefo.

14 Jaaka molelo o o fisang sekgwa,

Jaaka kgabo ya molelo e e babolang dithaba,+

15 Ka jalo, e kete o ka ba lelekisa ka setsuatsue sa gago+

O bo o ba tshosa ka phefo ya gago ya matsubutsubu.+

16 Khurumetsa* difatlhego tsa bone ka tlontlologo,

Gore ba tle ba batle leina la gago, wena Jehofa.

17 E kete ba ka tlhabiwa ke ditlhong ba bo ba tshoga ka bosakhutleng;

E kete ba ka tlontlololwa ba bo ba nyelela;

18 E kete batho ba ka itse gore wena, yo leina la gago e leng Jehofa,+

Wena o le esi o Mogodimodimo, o okametse lefatshe lotlhe.+