Diane

 2 Ke go reye ke reng tota morwaaka,

Wena morwa yo ke mo tshotseng,*

Wena morwa wa maikano a me?+

 3 O se ka wa naya basadi matlhagatlhaga a gago,+

Kgotsa wa latela ditsela tse di senyang dikgosi.+

 4 Dikgosi ga di a tshwanela, wena Lemuele,

Dikgosi ga di a tshwanela go nwa beine

E bile babusi ga ba a tshwanela go re, “Bojalwa jwa me bo kae?”+

 5 Gore ba se ka ba nwa mme ba lebala se se mo molaong

Ba bo ba sokamisa ditshwanelo tsa batho ba maemo a a kwa tlase.

 6 Nayang ba ba nyelelang bojalwa+

Le ba ba ngomogileng pelo lo ba neye beine.+

 7 A ba nwe mme ba lebale lehuma la bone;

A ba se ka ba tlhola ba gakologelwa mathata a bone.

 8 Buelela ba ba sa kgoneng go bua;

Femela ditshwanelo tsa botlhe ba ba nyelelang.+

 9 Bua mme o atlhole ka tshiamo;

Femela ditshwanelo* tsa batho ba maemo a a kwa tlase le tsa bahumanegi.+

11 Monna wa gagwe o mo ikanya ka pelo yotlhe,

E bile ga a tlhoke sepe se se tlhwatlhwakgolo.

12 Malatsi otlhe a botshelo jwa gagwe,

O direla monna wa gagwe se se molemo, e seng se se bosula.

13 O kokoantse wulu le tlhale e e boleta;

O itumelela go bereka ka diatla tsa gagwe.+

14 O tshwana le dikepe tsa mogwebi,+

O tsaya dijo tsa gagwe kgakala.

15 Gape o tsoga go sa le bosigo,

A naya ba lelapa la gagwe dijo

A bo a abela malata a gagwe tiro.+

16 O akanya thata ka tshimo a bo a e reka;

O jala tshimo ya morara* ka se a se amogelang.*

17 O dira ka natla,*+

E bile o nonotsha mabogo a gagwe.

18 O lemoga gore kgwebo ya gagwe e tsenya lotseno;

Bosigo, lobone lwa gagwe ga lo time.

19 Diatla tsa gagwe di tshwara thobane ya selogi,

E bile diatla tsa gagwe di tshwara toloki.*+

20 O thusa batho ba ba tlhokang,

E bile o abela bahumanegi ka bopelotshweu.+

21 Ga a tshwenyege ka ba lelapa la gagwe ka gonne go le tsididi,

Gonne ba lelapa la gagwe botlhe ba apere diaparo tse di bothitho.*

23 Monna wa gagwe o a itsege kwa dikgorong tsa motse,+

Kwa a nnang gone mo bagolwaneng ba motse oo.

24 O dira diaparo* tsa letsela le le boleta a bo a di rekisa

E bile o rekisetsa bagwebi mabanta.

25 O pelokgale e bile o tlotlwa ke batho,

E bile o leba bokamoso a na le tsholofelo.*

26 O bula molomo wa gagwe ka botlhale;+

Loleme lwa gagwe lo kaelwa ke molao wa bopelonomi.*

27 O ela tlhoko se se diregang mo ntlong ya gagwe,

E bile ga a je senkgwe sa botshwakga.+

28 Bana ba gagwe ba a ema ba bo ba mmaka;

Monna wa gagwe o a ema a bo a mmaka.

29 Go na le basadi ba bantsi ba ba nang le mekgwa e mentle,*

Mme wena, o ba gaisa botlhe.

30 Bontle bo ka tsietsa, e bile bontle bo ka nna jwa nyelela,*+

Mme mosadi yo o boifang Jehofa o tla bakwa.+

31 Mo neyeng tuelo ya se a se dirang,*+

E bile a ditiro tsa gagwe di mmake kwa dikgorong tsa motse.+