Dipesalema

Ke* koafaditswe ke go nna ke go gopotse

Mo lefatsheng le le omileng le le le kgakgabetseng, kwa go se nang metsi gone.+

 2 Ka jalo, ke go lebile o le mo lefelong la gago le le boitshepo;

Ke bone nonofo ya gago le kgalalelo ya gago.+

 3 E re ka lorato lwa gago lo lo sa kgaotseng lo le botoka go gaisa botshelo,+

Ke tla go galaletsa.+

 4 Ka jalo, ke tla go baka botshelo jotlhe jwa me;

Ke tla tsholetsa diatla tsa me ke rapela ke bitsa leina la gago.

 5 Ke kgotsofaditswe ke karolo e e molemo le e e di gaisang tsotlhe,*

Ke tla opela, molomo wa me o tla go baka.+

 6 Fa ke le mo bolaong jwa me ke a go gakologelwa;

Ke akanyetsa kwa teng ka wena fa gare ga bosigo.+

 7 Gonne o mothusi wa me,+

Mme ke goa ka boitumelo mo moriting wa diphuka tsa gago.+

 8 Ke go ngaparetse;

Seatla sa gago sa moja se nngangatletse.+

 9 Mme ba ba batlang go mpolaya,

Ba tla fologela kwa tengteng ga lefatshe.

10 Ba tla nyelediwa ka bogale jwa tšhaka;

Ba tla nna dijo tsa bophokoje.

Mongwe le mongwe yo o ikanang ka Modimo, o tla mmaka,

Gonne ba ba buang maaka ba tla didimadiwa.