Dipesalema

34 Ke tla baka Jehofa ka dinako tsotlhe;

Ke tla mmaka ka metlha.

 2 Ke tla galaletsa Jehofa;+

Ba ba pelonolo ba tla utlwa mme ba tla itumela.

 3 A re godiseng Jehofa mmogo;+

A re tlotlomatseng leina la gagwe mmogo.

 5 Ba ba neng ba mo leba ba ne ba phatsima;

Difatlhego tsa bone di ne di ka se tlhabiwe ke ditlhong.

 7 Moengele wa ga Jehofa o sireletsa ba ba boifang Modimo,+

E bile o a ba golola.+

 8 Lekang Jehofa mme lo bone gore o molemo;+

Go itumela motho yo o tshabelang mo go ene.

 9 Boifang Jehofa, lona lotlhe ba lo leng ba gagwe,

Gonne ba ba mmoifang ga ba tlhoke sepe.+

10 Tota le ditawana* tse di maatla di a tle di tshwarwe ke tlala,

Mme ba ba senkang Jehofa bone, ga ba kitla ba tlhoka sepe se se molemo.+

11 Tlang bomorwaake, ntheetseng;

Ke tla lo ruta go boifa Jehofa.+

12 Ke mang mo go lona yo o itumelelang botshelo

E bile a ka rata go nna le malatsi a mantsi a a molemo?+

13 Foo sireletsa loleme lwa gago mo go se se bosula,+

Le molomo wa gago gore o se ka wa bua dilo tse di tsietsang.+

14 Tlogela se se bosula mme o dire se se siameng;+

Tshela le ba bangwe ka kagiso mme o leke ka natla gore e tswelele e le gone.+

15 Matlho a ga Jehofa a lebile batho ba ba siameng,+

Le ditsebe tsa gagwe di reetsa selelo sa bone fa ba kopa thuso.+

16 Le fa go ntse jalo, Jehofa ga a batle ba ba dirang se se bosula,

Ba tla swa, mme ga go ope yo o tla tlholang a ba gakologelwa mo lefatsheng.+

17 Ba ne ba goa, mme Jehofa o ne a utlwa;+

O ne a ba golola mo matshwenyegong otlhe a bone.+

18 Jehofa o gaufi le ba ba pelo e phatlogileng;+

O boloka ba ba kgobegileng marapo.*+

19 Mathata* a mosiami a mantsi,+

Mme Jehofa o mo golola mo go one otlhe.+

20 O sireletsa marapo a gagwe otlhe;

Ga go na lerapo lepe mo go one le le robilweng.+

21 Masetlapelo a tla bolaya batho ba ba bosula;

Ba ba tlhoileng basiami ba tla bonwa molato.

22 Jehofa o boloka botshelo* jwa batlhanka ba gagwe;

Ga go na ope wa ba ba tshabelang mo go ene yo o tla bonwang molato.+