Kafa o ka Dirisang Bukana Eno ka Gone

Mo ditsebeng tse di latelang, o tla fitlhela temana ya Baebele ya letsatsi lengwe le lengwe le ditlhaloso tsa temana eo. O ka nna tlhopha go bala temana le ditlhaloso tsa yone nako nngwe le nngwe fela mo letsatsing, mme batho ba le bantsi ba fitlhela go le molemo di bala mo mosong. Goreng? Ka gonne ba kgona go nna ba akantse ka se ba se badileng letsatsi lotlhe. Go molemo gore lo tlotle ka temana ya letsatsi lo le lelapa. Kwa Bethele ba dira jalo pele ba ja dijo tsa mo mosong.

Ditlhaloso di tserwe mo makasineng wa Tora ya Tebelo (w) wa April 2019 go ya go March 2020. Dinomoro tse di latelang morago ga letlha la makasine wa Tora ya Tebelo di bontsha gore tshedimosetso e tswa mo tsebeng efe le mo serapeng sefe sa makasine. (Bona lebokose le le fa tlase.) Fa e le gore o batla go bala mo go oketsegileng ka kgang eo, o ka ya kwa setlhogong seo mo makasineng oo.