Joshua

21 Jaanong ditlhogo tsa dikgotla tsa Balefi di ne tsa atamela moperesiti Eliasare,+ Joshua morwa Nune le ditlhogo tsa dikgotla tsa ditso tsa Iseraele, 2 mme di ne tsa bua le bone kwa Shilo+ mo lefatsheng la Kanana, tsa re: “Jehofa o ne a laela ka Moshe gore re newe metse e re tla nnang mo go yone, mmogo le mafulo a yone gore e nne a leruo la rona.”+ 3 Ka jalo, go ya ka taelo ya ga Jehofa, Baiseraele ba ne ba naya Balefi metse eno+ le mafulo a yone go tswa mo bosweng jwa bone.+

4 Go ne ga tswa karolo e e abilweng ka bola ya malapa a Bakohathe,+ mme Balefi ba e neng e le ditlogolwana tsa ga moperesiti Arone ba ne ba abelwa ka bola* metse e le 13 go tswa mo lotsong lwa ga Juda,+ mo lotsong lwa ga Simeone+ le mo lotsong lwa ga Benjamine.+

5 Mme Bakohathe ba ba neng ba setse ba ne ba kgaoganyediwa* metse e le lesome go tswa mo malapeng a lotso lwa ga Eferaime,+ mo lotsong lwa ga Dana le mo halofong ya lotso lwa ga Manase.+

6 Mme Bagereshone+ bone, ba ne ba kgaoganyediwa metse e le 13 go tswa mo malapeng a lotso lwa ga Isakare, mo lotsong lwa ga Ashera, mo lotsong lwa ga Nafetali le mo halofong ya lotso lwa ga Manase kwa Bashana.+

7 Bamerari+ go ya ka malapa a bone ba ne ba newa metse e le 12 go tswa mo lotsong lwa ga Rubene, mo lotsong lwa ga Gada le mo lotsong lwa ga Sebulone.+

8 Ka jalo, Baiseraele ba ne ba abela Balefi metse eno le mafulo a yone ka bola, fela jaaka Jehofa a ne a laetse ka Moshe.+

9 Go tswa mo lotsong lwa ga Juda le mo lotsong lwa ga Simeone, ba ne ba ntsha metse eno e e umakilweng ka maina,+ 10 mme e ne ya newa bomorwa Arone ba malapa a Bakohathe a Balefi ka gonne ba ne ba amogetse karolo ya ntlha e e abilweng ka bola. 11 Ba ne ba ba naya Kiriathe-areba+ (Areba e ne e le rraagwe Anake), e leng Heberone,+ mo kgaolong e e dithaba ya ga Juda le mafulo a yone a a e dikologileng. 12 Mme naga ya motse oo le metsana ya one, ba ne ba e naya Kalebe morwa Jefune gore e nne boswa jwa gagwe.+

13 Mme bomorwa moperesiti Arone ba ne ba newa motse wa botshabelo wa Heberone+ le mafulo a yone gore mmolai a tshabele kwa go one, gape ba ne ba newa Libena+ le mafulo a yone, 14 Jatire+ le mafulo a yone, Eshetemoa+ le mafulo a yone, 15 Holone+ le mafulo a yone, Debire+ le mafulo a yone, 16 Aine+ le mafulo a yone, Juta+ le mafulo a yone le Bethe-shemeshe le mafulo a yone, e leng metse e le robongwe go tswa mo ditsong tseno tse pedi.

17 Mme go tswa mo lotsong lwa ga Benjamine ba ne ba abelwa: Gibeone+ le mafulo a yone, Geba le mafulo a yone,+ 18 Anathothe+ le mafulo a yone le Alemone le mafulo a yone, e leng metse e le menê.

19 Metse yotlhe e e neng ya abelwa ditlogolwana tsa ga Arone, e leng baperesiti, e ne e le metse e le 13 le mafulo a yone.+

20 Mme malapa a Bakohathe a a neng a setse mo Balefing a ne a newa metse e e abilweng ka bola go tswa mo lotsong lwa ga Eferaime. 21 Ba ne ba ba naya motse wa botshabelo wa Shekema+ le mafulo a yone gore mmolai a tshabele kwa go one mo kgaolong e e dithaba ya Eferaime, Gesere+ le mafulo a yone, 22 Kibesaime le mafulo a yone le Bethe-horona+ le mafulo a yone, e leng metse e le menê.

23 Mme go tswa mo lotsong lwa ga Dana ba ne ba abelwa: Eleteke le mafulo a yone, Gibethone le mafulo a yone, 24 Aijalona+ le mafulo a yone le Gathe-rimone le mafulo a yone, e leng metse e le menê.

25 Mme go tswa mo halofong ya lotso lwa ga Manase ba ne ba abelwa: Taanake+ le mafulo a yone le Gathe-rimone le mafulo a yone, e leng metse e le mebedi.

26 Metse yotlhe mmogo le mafulo a yone e malapa a Bakohathe ba ba neng ba setse ba neng ba e abelwa e ne e le lesome.

27 Mme Bagereshone+ ba malapa a Balefi ba ne ba abelwa motse wa botshabelo wa Golane,+ kwa Bashana le mafulo a yone go tswa mo halofong ya lotso lwa ga Manase gore mmolai a tshabele kwa go one le Beeshetera le mafulo a yone, e leng metse e le mebedi.

28 Mme go tswa mo lotsong lwa ga Isakare+ ba ne ba abelwa: Kishione le mafulo a yone, Daberathe+ le mafulo a yone, 29 Jaremuthe le mafulo a yone le Ene-ganime le mafulo a yone, e leng metse e le menê.

30 Mme go tswa mo lotsong lwa ga Ashera+ ba ne ba abelwa: Mishale le mafulo a yone, Abedona le mafulo a yone, 31 Helekathe+ le mafulo a yone le Rehobe+ le mafulo a yone, e leng metse e le menê.

32 Mme go tswa mo lotsong lwa ga Nafetali ba ne ba abelwa: motse wa botshabelo wa Kedeshe+ kwa Galalea le mafulo a yone gore mmolai a tshabele kwa go one, Hamothe-dore le mafulo a yone le Karatane le mafulo a yone, e leng metse e le meraro.

33 Metse yotlhe ya Bagereshone go ya ka malapa a bone e ne e le metse e le 13 le mafulo a yone.

34 Mme go tswa mo lotsong lwa ga Sebulone,+ malapa a Bamerari,+ e leng Balefi ba ba neng ba setse, a ne a abelwa: Jokeneame+ le mafulo a yone, Kareta le mafulo a yone, 35 Dimena le mafulo a yone le Nahalale+ le mafulo a yone, e leng metse e le menê.

36 Mme go tswa mo lotsong lwa ga Rubene ba ne ba abelwa: Besere+ le mafulo a yone, Jahase le mafulo a yone,+ 37 Kedemothe le mafulo a yone le Mefaathe le mafulo a yone, e leng metse e le menê.

38 Mme go tswa mo lotsong lwa ga Gada+ ba ne ba abelwa: motse wa botshabelo wa Ramothe kwa Gileade+ le mafulo a yone gore mmolai a tshabele kwa go one le Mahanaime+ le mafulo a yone, 39 Heshebone+ le mafulo a yone le Jasere+ le mafulo a yone, metse eo yotlhe e ne e le menê.

40 Metse yotlhe e e neng ya abelwa Bamerari go ya ka malapa a bone, malapa a Balefi a a neng a setse, e ne e le metse e le 12.

41 Metse yotlhe ya Balefi e ba neng ba e neilwe ke Baiseraele e le boswa e ne e le metse e le 48 mmogo le mafulo a yone.+ 42 Motse mongwe le mongwe o ne o dikologilwe ke mafulo a one, go ne go ntse jalo ka metse eno yotlhe.

43 Ka jalo, Jehofa o ne a naya Iseraele lefatshe lotlhe le a neng a ikanne gore o tla le naya borraabonemogolo,+ mme ba ne ba le gapa ba bo ba nna mo go lone.+ 44 Mo godimo ga moo, Jehofa o ne a ba naya boikhutso mo matlhakoreng otlhe, fela jaaka a ne a ikanela borraabonemogolo,+ mme go ne go se na ope wa baba ba bone yo o neng a ka kgona go ema fa pele ga bone.+ Jehofa o ne a tsenya baba botlhe ba bone mo seatleng sa bone.+ 45 Ga go na tsholofetso* epe mo ditsholofetsong tsotlhe tse di molemo tse Jehofa a neng a di solofeditse batho ba Iseraele e e neng ya se ka ya diragala; di ne tsa diragadiwa tsotlhe fela.+