Saame

ʻOku lelei ke hiva fakahīkihiki* ki hotau ʻOtuá;

Hono ʻikai lelei mo feʻungamālie ke fakahīkihikiʻi ia!+

 2 ʻOku langa ʻe Sihova ʻa Selusalema;+

ʻOkú ne tānaki fakataha mai ʻa e faʻahinga ʻo ʻIsileli kuo moveteveté.+

 3 ʻOkú ne fakamoʻui ʻa e faʻahinga ʻoku loto-laveá;

ʻOkú ne haʻihaʻi ʻa honau laveá.

 4 ʻOkú ne lau ʻa e lahi ʻo e ngaahi fetuʻú;

ʻOkú ne ui kinautolu kotoa ʻaki honau hingoa.+

 5 ʻOku lahi ʻa hotau ʻEikí pea ʻokú ne māfimafi ʻi he mālohí;+

Ko ʻene mahinó ʻoku taʻehanongataʻanga.+

 6 ʻOku hiki hake ʻe Sihova ʻa e anga-vaivaí,+

Ka ʻokú ne haʻaki ʻa e kau fulikivanú ki he kelekelé.

 7 Hiva kia Sihova mo e fakafetaʻi;

Hiva fakahīkihiki ki hotau ʻOtuá, fakataha mo e haʻapé,

 8 ʻA e Tokotaha ʻokú ne ʻufiʻufi ʻa e langí ʻaki ʻa e ngaahi ʻaó,

ʻA e Tokotaha ʻokú ne tokonaki mai ʻa e ʻuha ki he māmaní,+

ʻA e Tokotaha ʻokú ne ʻai ke tupu ʻa e musié+ ʻi he ngaahi moʻungá.

 9 ʻOkú ne foaki meʻakai ki he fanga manú,+

Ki he fanga kiʻi lēveni ʻoku nau tangi hake ki aí.+

10 ʻOku ʻikai te ne leleiʻia ʻi he mālohi ʻo e hōsí;+

Pea ʻoku ʻikai maongo kiate ia ʻa e ongo vaʻe mālohi ʻo ha tangata.+

11 ʻOku leleiʻia ʻa Sihova ʻi he faʻahinga ʻoku manavahē kiate iá,+

ʻI he faʻahinga ʻoku nau tatali ki heʻene ʻofa mateakí.+

13 ʻOkú ne ʻai ʻa e ngaahi meʻa fakamaʻu ʻo e ngaahi matapā ʻo ho koló ke mālohi;

ʻOkú ne tāpuakiʻi ho ngaahi foha ʻoku ʻiate koé.

14 ʻOkú ne ʻomi ʻa e melino ki ho feituʻú;+

ʻOkú ne fakamākona koe ʻaki ʻa e uite lelei tahá.*+

15 ʻOkú ne tuku atu ʻene fekaú ki he māmaní;

ʻOku lele vave ʻaupito ʻa ʻene folofolá.

16 ʻOkú ne tuku atu ʻa e sinoú hangē ha fulufuluʻisipí;+

ʻOkú ne fakamovete atu ʻa e hahau ʻaisí ʻo hangē tofu pē ko e efuefú.+

19 ʻOkú ne fakahaaʻi ʻa ʻene folofolá kia Sēkope,

ʻA ʻene ngaahi tuʻutuʻuní mo e fakamāú ki ʻIsileli.+

20 Kuo teʻeki ai te ne fai pehē ki ha toe puleʻanga kehe;+

ʻOku ʻikai te nau ʻilo ha meʻa ʻo fekauʻaki mo ʻene ngaahi fakamāú.