Saame

Ko ha Hiva ʻo e ʻAlu Haké.

130 ʻOku ou ui kiate koe mei he lolotó, ʻe Sihova.+

2 ʻE Sihova, fanongo mai ki hoku leʻó.

ʻOfa ke ke fanongo tokanga mai ki heʻeku tautapa ki ha tokoní.

3 Kapau ko e ngaahi faihalá ʻokú ke siofí,* ʻe Iā,*

Ko hai leva ai, ʻe Sihova, ʻe lava ke tuʻú?+

4 He ʻoku ʻiate koe ʻa e fakamolemole moʻoní,+

Koeʻuhiā ke fai ai ha ʻapasia*+ kiate koe.

5 ʻOku ou ʻamanaki kia Sihova, ko ʻeku moʻuí kotoa ʻoku ʻamanaki kiate ia;

ʻOku ou tatali ki heʻene folofolá.

6 ʻOku ou tatali vēkeveke kia Sihova,+

ʻO laka ange ia ʻi he tatali ʻa e kau tangata leʻó ke aʻu ki he pongipongí,+

ʻIo, ʻo laka ange ia ʻi he tatali ʻa e kau tangata leʻó ke aʻu ki he pongipongí.

7 Tuku ke hanganaki tatali ʻa ʻIsileli kia Sihova,

He ko Sihová ʻoku mateaki ʻa ʻene ʻofá,+

Pea ʻokú ne maʻu ha mālohi lahi ke fai ha huhuʻi.

8 Te ne huhuʻi ʻa ʻIsileli mei heʻenau ngaahi faihalá kotoa.