Palōveepi

9 Kuo langa ʻe poto moʻoni ʻa hono falé;

Kuó ne tā* ʻa hono ngaahi pou ʻe fitu.

 2 Kuó ne teuteu kakato ʻa ʻene kakanoʻi-manú;*

Kuó ne huʻi ʻa ʻene uainé;

Kuó ne fokotuʻutuʻu foki ʻa ʻene ngaahi tēpilé.

 3 Kuó ne fekauʻi atu ʻa ʻene kau kaunangá

Ke nau kaila mei he ngaahi feituʻu māʻolunga ʻi he koló:+

 5 “Haʻu, ʻo kai ʻa ʻeku maá

Pea kau ʻi hono inu ʻa e uaine kuó u huʻí.

 6 Tuku ange ʻa hoʻo taʻetaukeí* ka ke moʻui;+

Laka atu ki muʻa ʻi he hala ʻo e mahinó.”+

 7 Ko e tokotaha ʻokú ne fakatonutonu ha tokotaha manuki ʻokú ne fakaafeʻi mai ai kiate ia ʻa e fakamaá,+

Pea ʻilonga ʻa ia ʻokú ne valokiʻi ha tokotaha fulikivanu te ne lavea ai.

10 Ko e manavahē kia Sihová ko e kamataʻanga ia ʻo e potó,+

Pea ko e ʻilo ki he Tokotaha Fungani Māʻoniʻoní+ ko e mahinó ia.

11 He koeʻuhí ko au ʻe lahi ai ho ngaahi ʻahó,+

Pea ʻe fakalahi atu ai ha ngaahi taʻu ki hoʻo moʻuí.

12 Kapau te ke hoko ʻo poto, ko e lelei pē maʻau ʻa hoʻo potó,

Ka ʻo kapau ko ha tokotaha manuki koe, te ke fua toko taha pē ia.

14 ʻOkú ne tangutu ʻi he hūʻanga ʻo hono falé

ʻI ha nofoʻanga ʻi he ngaahi feituʻu māʻolunga ʻo e koló,+

15 ʻO ne kaila ki he faʻahinga ʻoku ʻalu haké,

Ki he faʻahinga ʻoku lue hangatonu atu pē ʻi honau halá:

17 “ʻOku melie ʻa e vai ʻoku kaihaʻasi maí,

Pea ʻoku ifo ʻa e meʻakai ʻoku kai fakafufuú.”+

18 Ka ʻoku ʻikai te ne ʻilo ʻoku ʻi ai ʻa e faʻahinga kuo mole ʻa honau mālohí ʻi he maté,

Pea ko ʻene kau fakaafé ʻoku nau ʻi he takele ʻo e Faʻitoká.*+