3. ʻE lava fēfē ke ke vaheʻi ʻa e taimi ke lau ai ʻa e Tohi Tapú?

ʻOkú ke fāinga ke maʻu ha taimi ki he lau Tohi Tapú? Ko e tokolahi ʻo kitautolu ʻoku pehē. Feinga ke “ngāue lelei taha ʻaki ho taimí.” (ʻEfesō 5:16) ʻE lava ke ke fai eni ʻaki hono vaheʻi ha taimi pau ke lau ai ʻa e Tohi Tapú ʻi he ʻaho taki taha. Ko e kakai ʻe niʻihi ʻoku nau vaheʻi ʻa e taimi ke lau ʻa e Tohi Tapú ʻi he taimi hengihengí. Ko e niʻihi ʻoku nau fili ha taimi ki mui ange ʻi he ʻahó, mahalo ʻi he lolotonga ʻenau mālōlō kai hoʻataá. Ka ko e niʻihi ia ʻoku nau lau ʻa e Tohi Tapú ʻi he houa efiafí ki muʻa ke nau mohé. Ko e hā ʻa e taimi lelei taha kiate koé?

3. Fakaʻatā ʻa e Tohi Tapú ke ne tataki koe

VITIŌ: Fakaʻatā ʻa e Tefitoʻi Moʻoni Fakatohitapú Ke Ne Tataki Koe (5:54)

• Ko e hā ʻa e tauʻatāina ke fili?

• Ko e hā naʻe ʻomai ai ʻe Sihova kiate kitautolu ʻa e tauʻatāina ke filí?

• Ko e hā kuó ne tokonaki mai ke tokoniʻi kitautolu ke ngāueʻaki ʻetau tauʻatāina ke filí ʻi he founga lelei tahá?

Lau ʻa e ʻEfesō 5:15, 16 ke sio ki ha fakatātā ʻo ha tefitoʻi moʻoni Fakatohitapu. Lāulea leva ki he founga te ke “ngāue lelei taha ʻaki ho taimí” ke . . .

• lau maʻu pē ʻa e Tohi Tapú.

• hoko ko ha hoa mali, mātuʻa, foha pe ʻofefine lelei ange.

• maʻu ʻa e ngaahi fakataha ʻa e fakatahaʻangá.

2. Ko e hā ʻoku mahuʻinga ai ke mapuleʻi ʻa e lahi ʻo e taimi ʻoku tau ngāueʻaki ʻi he fakafiefiá?

Neongo kapau ko e fakafiefia ʻoku tau filí ʻoku lelei, ʻoku fiemaʻu ke tau tokanga ki he lahi ʻo e taimi ʻoku tau fakamoleki ki aí. He ka ʻikai, ʻe ʻikai ke tau maʻu nai ha taimi feʻunga ke ngāueʻaki ki he ngaahi meʻa mahuʻinga angé. ʻOku tala mai ʻe he Tohi Tapú kiate kitautolu ke ngāue lelei taha ʻaki hotau taimí.​—Lau ʻa e ʻEfesō 5:15, 16.

4. Ngāueʻaki fakapotopoto ho taimí

VITIŌ: Ko e Hā ʻOkú Ne Puleʻi Ho Taimí? (2:45)

• Neongo ko e ngaahi meʻa lelei pē naʻe sio ki ai ʻa e tokouá, naʻe anga-fēfē hono uesia ia ʻi heʻene ngāueʻaki hono taimi mālōloó?

Lau ʻa e Filipai 1:10, pea lāulea leva ki he fehuʻi ko ení:

• ʻOku anga-fēfē hono tokoniʻi kitautolu ʻe he veesi ko ení ke fili e lahi ʻo e taimi ʻoku tau fakamoleki ʻi he fakafiefiá?