Puesto ajyan

Ja jas skʼulan ja Jesús

BIDEO: Ja Jesús sjeʼayi ja Nicodemo

1. Kʼela ja BIDEO ma kʼuman ja Juan 3:​1, 2. Tsaʼan aʼa ja sjobʼjelik ti nochani:

1. ¿Jas yuj ja Nicodemo bʼa akwal waj staʼ loʼil ja Jesús? (Kʼela ja Juan 12:​42, 43).

2. ¿Jastal sjeʼa ja Jesús ke puesto ajyi bʼa yajel och nebʼuman ja kristyano?

¿Jasa wa xnebʼatik ja jastal skʼulan ja Jesús?

2. Yuja wa xyajtaytik ja kristyanoʼiki, wani xkabʼtik ke keʼn jcholtik bʼa skoltajele yajel och nebʼuman.

Nocho ja Jesús

3. Kʼulan ja estudio ja bʼa ora sok ja bʼa lugar wa skʼana. ¿Ay maʼ jun mero kʼakʼu sok jun ora wa skʼana? ¿Bʼa lugar lek xyabʼi: ti maʼ bʼa yaʼtel, bʼa snaj ma bʼa jaman kʼinal? Ta oj bʼobʼuk, puesto ajyan ja ora oj yal jawa westudiante.

4. Mok xchʼay jun estudio. Ta mi ti oj ajyana, moka wal mi oj kʼulaxuk. ¿Oj maʼ bʼobʼa kʼuluk ja it?

1. Skʼulajel ja estudio bʼa pilan kʼakʼu ja bʼa semana.

2. Skʼulajel estudiar jach bʼa telepono ma bʼa bideollamada.

3. Skʼanjelyi pilan choluman bʼa oj skʼuluk ja estudio.

5. Kʼana bʼa orasyon bʼa mok chʼayukawuj ja smajlajeli. Kʼanayi ja Jyoba bʼa oj skoltaya bʼa mi oj eluka gana soka wa westudiante. Ja it mastoni jel tʼilan ta mi jel tikʼan skʼulan estudiar ma jel wokol xyabʼ yajel makunuk ja jas wan snebʼjeli (Filip. 2:13). Kʼanayi ja Jyoba bʼa a-skoltaya ke jaʼ oj wajuka kʼujol ja tsamal modoʼalik yiʼoji. ¡Bʼobʼta jelni jitsan yiʼoj!