Buk Song
Devit i raitim dispela song.
24 Dispela graun wantaim olgeta samting i stap long en i bilong Jehova,+
Na graun na olgeta manmeri i stap long en, ol tu i bilong em.
2 Em i putim graun i stap strong antap na solwara i stap aninit,+
Na em i putim graun i stap strong antap na ol wara i stap daunbilo.
3 Husat inap i go antap long maunten bilong Jehova?+
Na husat inap i go insait long ples holi bilong em?
4 Em man i no gat asua na bel bilong em i stap klin,+
Na em i no save giaman na mekim tok tru antap long nem bilong mi,*
Na em i no save mekim tok tru antap bilong giamanim ol narapela.+
5 Jehova bai givim ol blesing long em+
Na God, em man bilong kisim em bek,+ bai kolim em stretpela man.
6 Ol kain lain manmeri olsem i wok long painim em,
Em ol man i laik bai yu, God bilong Jekop, i orait long ol. (Selah)
7 Yupela ol geit, yupela sanap stret;+
Yupela ol dua bilong bipo tru, yupela op,*
Na bai nambawan King i ken i go insait!+
8 Husat dispela nambawan King?
9 Yupela ol geit, yupela sanap stret;+
Yupela ol dua bilong bipo tru, yupela op,
Na bai nambawan King i ken i go insait!
10 Husat dispela nambawan King?
Em Jehova, bosman bilong bikpela lain ami,* em i dispela nambawan King.+ (Selah)