Buk Song
Tok i go long dairekta; yusim ol instramen i gat ol string na tiunim long Seminit.* Devit i raitim dispela song.
6 Jehova, yu no ken stretim mi long taim yu belhat,
Na yu no ken stretim mi long taim yu kros.+
2 Jehova, yu mas sori long mi, long wanem, strong bilong mi i wok long pinis.
Na Jehova, mekim mi i kamap orait,+ long wanem, ol bun bilong mi i guria.
3 Tru tumas, mi gat bikpela hevi tru,+
Jehova, mi singaut long yu, wanem taim bai ol hevi bilong mi i pinis?+
4 Jehova, yu kam na kisim bek mi;+
Seivim mi, long wanem, yu man bilong mekim gutpela pasin laikim.*+
6 Mi wari tumas na dispela i pinisim strong bilong mi;+
Long nait olgeta mi krai na aiwara bilong mi i wasim bet bilong mi;*
Mi krai moa yet na ples bilong mi long slip i pulap long aiwara.+
7 Bel hevi bilong mi i mekim na ai bilong mi i no gat strong;+
Ai bilong mi i no inap lukluk gut, long wanem, ol man i mekim nogut long mi.
8 Yupela ol man bilong mekim pasin nogut, yupela klia long mi,
Long wanem, Jehova bai harim krai bilong mi.+
9 Jehova bai harim singaut bilong mi na helpim mi,+
Na Jehova bai harim beten bilong mi.
10 Olgeta birua bilong mi bai i sem na ol bai i no amamas.
Ol bai i sem na wantu tasol ol bai lusim mi na i go.+