Buk Song
Tok i go long dairekta; yusim ol instramen i gat ol string na wokim musik. Wanpela singsing.
67 God bai tingim mipela na blesim mipela;
Pes bilong em bai lait long mipela.+ (Selah)
2 Olsem na long olgeta hap bilong graun, ol manmeri bai save long pasin bilong yu,+
Na long pasin bilong yu long kisim bek olgeta lain man.+
3 God, ol pipol i ken preisim yu;
Yes, olgeta manmeri i ken preisim yu.
4 Olgeta lain manmeri i ken belgut na singsing bilong amamas,+
Long wanem, yu bai skelim ol manmeri long stretpela pasin.+
Na yu bai stiaim ol lain manmeri bilong graun. (Selah)
5 God, ol pipol i ken preisim yu.
Yes, olgeta manmeri i ken preisim yu.