17 So Josua i tokim lain bilong Josep, em ol Efraim na ol Manase, olsem: “Yupela i gat planti manmeri na yupela i wanpela strongpela lain, olsem na yupela bai i no inap kisim wanpela hap graun tasol,+ 18 nogat, bai yupela i kisim tu ol ples maunten.+ Tru, i gat bikbus long en, tasol bai yupela i kliaim na dispela graun bai stap olsem baundri bilong yupela. Na bai yupela i rausim ol Kenan i go, maski ol i strongpela lain na ol i gat ol karis bilong pait i gat ol sap ain.”*+