3 Jehova i stap wantaim Jehosafat, long wanem, em i bihainim ol pasin em bipo tumbuna papa bilong em, Devit, i bin mekim+ na em i no go painim ol god Bal. 4 Jehosafat i painim God bilong papa bilong em+ na bihainim* ol lo bilong God, na em i no bihainim ol pasin bilong Israel.+

2 Na Jehu,+ pikinini man bilong Hanani,+ em man bilong lukim ol visen, i go bungim King Jehosafat na i tokim em olsem: “Yu ting em i stret long helpim ol man nogut+ na laikim ol man i heitim Jehova, a?+ Yu bin mekim dispela kain pasin, olsem na Jehova i belhat long yu. 3 Maski i olsem, God i lukim ol gutpela samting long yu.+ Yu bin rausim ol pos bilong lotu* long dispela kantri na yu bin redim bel bilong yu* long painim God tru.”+