7 “Wanpela kantri bai pait long narapela kantri na wanpela kingdom bai pait long narapela kingdom.+ Na bai i gat taim bilong ol bikpela hangre+ na ol guria bai kamap long narapela narapela hap.+

10 Na em i tokim ol olsem: “Wanpela kantri bai pait long narapela kantri+ na wanpela kingdom bai pait long narapela kingdom.+ 11 Na bai i gat ol bikpela guria, na long narapela narapela hap bai i gat ol bikpela sik na bikpela hangre.+ Na ol manmeri bai lukim ol samting i mekim ol i pret na ol bai lukim ol bikpela sain i kam long heven.

6 Mi harim samting olsem wanpela nek i toktok namel long dispela 4-pela samting i gat laip, na i tok: “Pe bilong 1 kwat* wit em wanpela denarius,*+ na pe bilong 3 kwat bali em wanpela denarius; na no ken westim nating oliv oil na wain.”+

8 Na mi lukluk i stap na mi lukim wanpela yelopela hos, na man i sindaun long en, nem bilong em Dai. Na Matmat* i bihainim em i kam. Na tupela i kisim namba long bosim wanpela bilong ol 4-pela hap bilong graun, bai tupela i ken kilim ol man i dai long rot bilong longpela bainat, bikpela hangre,+ bikpela sik, na long rot bilong ol wel animal bilong graun.+