Buk Song
106 Preisim Ja!*
Tok tenkyu long Jehova, long wanem, em i gutpela;+
2 Husat inap tokaut long ol bikpela wok Jehova i bin mekim?
Na husat i ken litimapim nem bilong em inap long ol gutpela pasin em i bin mekim?+
3 Ol man i save bihainim stretpela pasin,
Na ol i save mekim ol samting i stret,+ ol i ken amamas.
4 O Jehova, taim yu mekim gut long ol manmeri bilong yu, yu mas tingim mi.+
Na yu mas kisim bek mi na lukautim mi,
5 Na bai mi amamas long gutpela pasin yu soim long ol manmeri yu bin makim,+
Na mi bai amamas wantaim lain manmeri bilong yu.
Mi na lain manmeri bilong yu bai amamas na givim biknem long yu.
6 Mipela i bin mekim sin pinis olsem ol tumbuna bilong mipela i bin mekim;+
Mipela i bin mekim rong; na mipela i bin mekim pasin nogut.+
7 Long Isip ol tumbuna bilong mipela i no bin tenkyu long* ol gutpela wok yu bin mekim.
Ol i no tingim gutpela pasin laikim* bilong yu i bikpela tru,
Long Solwara Retsi, ol i bikhet long yu.+
8 Tasol em i tingim nem bilong em na em i kisim bek ol,+
Long dispela rot ol man i ken save long bikpela strong bilong em.+
9 Em i krosim Solwara Retsi, na solwara i drai;
Em i bringim ol i go na ol i wokabaut i go brukim solwara olsem ol i wokabaut long graun i drai;*+
10 Em i kisim bek ol long han bilong ol birua bilong ol+
Na em i kisim bek ol na ol birua i no bagarapim ol.+
12 Orait nau ol i bilip tru long ol tok promis bilong em;+
Ol i kirap singsing na litimapim nem bilong em.+
13 Tasol kwiktaim ol i lusim tingting long samting em i bin mekim;+
Ol i no wet long kisim tok i kam long em pastaim.
14 Long ples nating, ol i larim laik nogut bilong ol i stiaim ol;+
Ol i traim God long ples i no gat man.+
15 Orait em i givim ol samting ol i askim long en,
Tasol em i mekim bikpela sik i kamap long ol na i pinisim ol olgeta.+
16 Na ol i bel nogut long Moses
Na ol i bel nogut tu long Aron,+ em man i holi long ai bilong Jehova.+
17 Orait na graun i op na Datan i pundaun i go insait
Na graun i karamapim olgeta manmeri i bung wantaim Abiram.+
18 Paia i kamap na i kukim lain bilong ol;
Yes, paia i kukim ol man nogut.+
19 Ol i wokim imis bilong wanpela pikinini bulmakau long Horep
Na ol i brukim skru long wanpela imis;+
20 Ol i givim biknem bilong mi long imis bilong bulmakau man i save kaikai gras+
Na i no long mi.
21 Ol i lusim tingting long God,+ em Seivia bilong ol,
Em i bin mekim ol strongpela wok long Isip,+
22 Em i bin mekim ol bikpela wok long graun bilong Ham,+
Na em i bin mekim ol narakain samting long Solwara Retsi we ol manmeri i kirap nogut long en.+
23 Orait em i tok bai em i bagarapim ol,
Tasol Moses, dispela man em i bin makim, em i askim em long no ken bagarapim ol*
Na em i pasim belhat bilong em na em i no bagarapim ol.+
25 Ol i stap long ol haus sel bilong ol na ol i wok long toktok planti;+
Ol i no harim tok bilong Jehova.+
26 Orait em i mekim tok tru antap olsem
Em bai mekim na ol bai i dai long ples nating;+
27 Em bai larim ol lain tumbuna pikinini bilong ol i kamap bihain i kisim bagarap long han bilong ol arapela lain,
Na em bai larim ol i go nabaut na ol bai i stap long ol arapela kantri.+
28 Orait bihain ol i kirap lotuim Bal bilong Peor,+
Na ol i kaikai ol sakrifais em ol i ofaim long ol man i dai pinis.*
30 Tasol Finias i kirap na mekim ol samting,
Na sik i pinis.+
31 Na God i tingim em olsem stretpela man
Na ol manmeri i kamap bihain bihain tu bai i tingim em olsem.+
32 Taim ol i stap long wara bilong Meriba,* ol i mekim Em i kros,
Na pasin bilong ol i mekim na Moses i kisim hevi.+
36 Na ol i wok long lotuim ol imis bilong ol dispela lain,+
Na ol dispela samting i mekim ol i pundaun.+
37 Na ol i save sakrifaisim ol pikinini man bilong ol
Na ol pikinini meri bilong ol long ol spirit nogut.+
38 Ol i kapsaitim blut bilong ol man i no gat asua,+
Em blut bilong ol pikinini man na ol pikinini meri bilong ol.
Ol i bin sakrifaisim ol long ol imis bilong Kenan;+
Na blut bilong ol i mekim graun i kamap doti.
39 Pasin bilong ol i mekim na ol i kamap doti long ai bilong God;
Ol i givim baksait long God* long rot bilong pasin ol i mekim.+
40 Olsem na Jehova i belhat long ol manmeri bilong em na i mekim save long ol,
Na em i no laikim ol manmeri bilong em.
41 Planti taim em i lusim ol long han bilong ol arapela lain,+
Na bai ol lain i nolaik tru long ol i bosim ol.+
42 Ol birua bilong ol i putim hevi long ol,
Na ol i stap aninit long strong* bilong ol.
43 Planti taim em i save kisim bek ol,+
Tasol ol i save bikhet na sakim tok bilong em,+
Na ol i save kisim sem, long wanem, ol i mekim planti rong.+
44 Tasol em i save lukim pen na hevi ol i karim+
Na em i save harim singaut bilong ol long kisim helpim.+
45 Em i save tingim kontrak em i wokim wantaim ol
Na nambawan gutpela pasin laikim* bilong em i kirapim em long sori long ol.+
46 Em i save kirapim tingting bilong ol lain i kalabusim ol+
Long sori long ol.
47 O Jehova, God bilong mipela, kisim bek mipela,+
Na bungim mipela na kisim mipela namel long ol lain manmeri+
Na bai mipela i ken tok tenkyu long nem holi bilong yu
Na mipela i ken amamas tru na litimapim nem bilong yu.+
48 Litimapim nem bilong Jehova, God bilong Israel
Inap oltaim oltaim.+
Na olgeta manmeri i mas tok, “Amen!”
Preisim Ja!*