Buk Song
I gutpela long singim ol song bilong preisim* God bilong yumi;
Em i gutpela na i stret long yumi preisim em!+
Em i bringim i kam bek ol manmeri bilong Israel i bin i go i stap nabaut.+
3 Em i save mekim orait ol manmeri em bel bilong ol i pilim nogut tru;
Em i save pasim ol sua bilong ol.
5 Bikpela bilong yumi i nambawan tru na em i gat bikpela strong;+
Save bilong em i antap moa na i no gat mak bilong en.+
7 Singim song long Jehova na tok tenkyu long em;
Pilaim harp* na singim ol song bilong preisim God bilong yumi,
8 Em Man i save mekim ol klaut i kamap na i karamapim skai,
Em Man i save mekim ren i kam daun long graun,+
Em Man i save mekim gras i kamap+ long ol maunten.
9 Em i save givim kaikai long ol animal,+
Na em i save givim kaikai long ol liklik pikinini kotkot i save singaut long kaikai.+
10 Long ai bilong em, strong bilong hos i no bikpela samting;+
Na strong bilong lek bilong man tu i no bikpela samting long em.+
11 Jehova i save amamas long ol man i pret long em,+
Na long ol man i bilip na wet long em i mekim gutpela pasin laikim* long ol.+
12 Jerusalem, givim glori long Jehova.
Saion, litimapim nem bilong God bilong yu.
13 Em i save strongim ol ba bilong ol geit bilong taun bilong yu;
Em i save blesim ol pikinini man bilong yu.
14 Em i save mekim bel isi i stap long graun bilong yu;+
Em i save mekim nambawan gutpela wit i kamap long gaden bilong yu na i pulap tru.+
15 Em i salim tok bilong em i go long graun;
Wantu tasol tok bilong em i save go.
16 Em i salim sno i kam daun na i karamapim graun olsem waitpela blanket;+
Em i save mekim smok bilong moning i go nabaut olsem sit bilong paia.+
17 Em i salim planti ren ais i kam daun olsem ol liklik hap pipia bilong bret.+
Na em i mekim ples i kamap kol tru na husat inap sakim kol?+
18 Em i save tok na ais i melt.
Na em i kirapim win bilong em+ na i mekim wara i ran.