Buk Song
Devit i raitim dispela song.
Yu save bihainim tok bilong yu na yu gat stretpela pasin, olsem na yu mas harim singaut bilong mi.
2 Yu no ken skelim mi, wokman bilong yu, long kot,
Long wanem, i no gat wanpela man i stap laip i stretpela man long ai bilong yu.+
3 Birua bilong mi i ranim mi;
Em i krungutim mi i go daun long graun.
Em i mekim mi i stap long ples tudak na mi stap olsem ol man i dai longtaim pinis.
Yes, mi tingim tingim* ol wok yu bin mekim long han bilong yu.
6 Mi apim han bilong mi na beten long yu;
Mi wet long yu olsem graun i drai i wet long ren i pundaun.+ (Selah)
Na yu mas soim rot em mi mas bihainim,+
Long wanem, mi save go long yu tasol.
9 O Jehova, kisim bek mi long han bilong ol birua bilong mi.
Mi go long yu bilong yu ken lukautim mi.+
Yu gutpela;
Long rot bilong spirit bilong yu, stiaim mi long wokabaut long graun i stret.*
11 O Jehova, tingim nem bilong yu na larim mi i stap laip.
Yu gat stretpela pasin, olsem na yu mas kisim bek mi long ol pen na hevi i kamap long mi.+