Buk Song
Tok i go long dairekta; yusim ol instramen i gat ol string na wokim musik. Maskil.* Singsing bilong Devit.
55 O God, harim beten bilong mi,+
Na no ken pasim yau long askim bilong mi long yu mas marimari long mi.*+
2 Plis putim yau long mi na bekim tok bilong mi.+
Mi wari tru na bel bilong mi i no stap isi,+
Na bel bilong mi i bagarap tru,
3 Long ol tok ol birua i mekim
Na ol man nogut i putim hevi long mi.
Ol i putim planti hevi tru long mi,
Na ol i kros tumas long mi na ol i birua nogut tru long mi.+
5 Mi pret na skin bilong mi i guria,
Na pret i daunim mi olgeta.
6 Mi tok olsem: “Mi laik tumas bai mi gat ol wing olsem bilong pisin balus!
Na mi bai flai i go long wanpela ples na i stap gut long hap.
7 Bai mi flai i go longwe tru.+
Na bai mi i go i stap long ples nating.+ (Selah)
8 Bai mi hariap i go painim wanpela ples
Na hait long strongpela win na ren.”
9 Mi lukim ol man i pait nabaut insait long taun,
Olsem na Jehova, yu mas mekim ol i paul na yu mas bagarapim ol samting ol i tingting long mekim.*+
10 Long san na long nait ol i save wokabaut antap long ol banis bilong en;
Na insait long en ol i save mekim trabel na tingting long bagarapim ol arapela.+
11 Na insait long en, ol samting i bagarap i stap;
Long ples bung bilong en, ol man i save mekim nogut long ol arapela na giamanim ol bilong pulim ol samting bilong ol.+
12 Man i sutim tok long mi, em i no wanpela birua;+
Sapos em i birua, mi inap long karim dispela hevi.
Man i laik pait long mi, em i no wanpela birua;
Sapos em i wanpela birua, mi inap long haitim mi yet na em i no lukim mi.
13 Tasol nogat, em yu tasol, yu man wankain olsem mi,*+
Yu pren bilong mi na mi save gut tru long yu.+
14 Bipo mitupela i save pas gut wantaim;
Na mitupela i save wokabaut i go insait long haus bilong God wantaim bikpela lain manmeri.
15 Bagarap i ken painim ol!+
Taim ol i stap laip yet, ol i ken go long Matmat;*
Long wanem, pasin nogut i pulap long ples ol i stap long en na long bel bilong ol.
16 Tasol mi bai singaut long God Jehova,
Na em bai kisim bek mi.+
17 Long apinun tru na long moning na long belo, mi pilim hevi tru na krai,*+
Na em i save harim krai bilong mi.+
18 Planti man i birua long mi.+
Tasol em bai kisim bek mi long han bilong ol man i pait long mi na mekim mi stap bel isi.
19 God, em man i sindaun long sia king long bipo yet i kam inap nau,+
Em bai harim singaut bilong mi na bekim pasin bilong ol.+ (Selah)
Ol bai i no laik long senisim pasin bilong ol,
Ol dispela man i no save pret liklik long God.+
21 Ol tok bilong em i no strong tumas na i winim bata,+
Tasol bel bilong em i no stap isi.
Ol tok bilong em i mekim isi bel bilong man winim oil,
Tasol dispela tok i sap tumas olsem bainat.+
Em i no inap larim stretpela man i pundaun.+
23 Tasol God, yu bai rausim ol i go daun long matmat.+
Ol man i gat asua long kapsaitim blut na ol man bilong giaman, taim bilong ol i no pinis yet na ol bai i dai.+
Tasol mi yet, mi bai trastim yu tru.