Buk Song

1 Man i no save bihainim ol tok bilong man nogut

Na man i no save wokabaut long rot bilong man bilong mekim sin+

Na man i no save sindaun wantaim ol man bilong tok bilas, dispela man i ken amamas.+

 2 Dispela man i save amamas long lo bilong Jehova,+

Na em i save ritim isi isi dispela lo* long san na long nait.+

 3 Dispela man i olsem diwai ol i planim klostu long wara,

Em i save karim kaikai long taim stret bilong em,

Na ol lip bilong em i no save drai.

 5 Olsem na ol man nogut i no inap winim kot;+

Na ol man bilong mekim sin i no inap i stap insait long lain bilong ol stretpela man.+

 6 Jehova i save gut long pasin bilong ol stretpela man,+

Tasol ol man nogut, ol bai pinis olgeta na pasin bilong ol tu bai pinis olgeta.+