Devit i raitim dispela song.
23 Jehova em i Wasman bilong mi.+
Olsem na mi no inap sot long wanpela samting.+
2 Em i mekim mi i malolo long gutpela gras;
Em i bringim mi i go long ples i gat wara na mi malolo.+
3 Em i givim mi nupela strong.+
Em i tingim nem bilong em olsem na em i bringim mi i go long stretpela rot.+
4 Maski mi wokabaut long veli i tudak nogut tru,+
Mi no pret long wanpela samting.+
Long wanem, yu stap wantaim mi;+
Stik bilong yu long was long sipsip i mekim isi bel bilong mi.
5 Yu redim kaikai bilong mi long ples klia na ol birua bilong mi i lukim.+
Yu putim oil long het bilong mi na mi kisim nupela strong;+
Yu pulimapim tru kap bilong mi.+
6 Bai yu mekim gutpela pasin long mi na soim gutpela pasin laikim long mi, long olgeta de mi stap laip,+
Na oltaim bai mi stap long haus bilong Jehova.+