Buk Song
Miktaim* bilong Devit.
16 God, yu mas lukautim mi. Mi kam long yu bilong yu ken i stap ples hait bilong mi.+
2 Mi tokim Jehova: “Yu Jehova, yu Man i As bilong olgeta gutpela samting mi kisim.
4 Ol manmeri i save bihainim ol arapela god, hevi bilong ol bai i go bikpela.+
Mi no inap kapsaitim blut olsem ofa long ol,
5 Jehova em i hap skel bilong mi,+ na em i olsem kap bilong mi.+
Yu lukautim olgeta samting bilong mi.
6 Ol ples ol i makim bilong mi, ol i naispela ples tru.
Tru tumas, mi amamas long ol samting bilong mi.+
7 Mi bai litimapim nem bilong Jehova, long wanem, em i givim mi gutpela tingting.+
Long nait, tingting i stap insait tru long mi* i save skulim mi.+
8 Oltaim mi lukim Jehova i stap long ai bilong mi.+
Em i stap long rait sait bilong mi, olsem na mi no ken guria.+
9 Olsem na bel bilong mi i amamas stret. Na mi belgut tru.
Na mi no pret long wanpela samting bai bagarapim mi.
10 Bai yu no lusim mi i stap long Matmat.*+
Bai yu no larim dispela man i stap gut long yu i lukim hul bilong matmat.*+
11 Yu soim mi rot i go long laip.+
Yu amamas long mi na dispela i mekim mi belgut;+
Mi stap long rait sait bilong yu na dispela i mekim mi i stap amamas inap oltaim oltaim.