Bilong Stadi

WOK BILONG OL STADI

STADI 1, 2 PES 3-12

Klostu nau ol bikpela samting bai kamap. Dispela 2-pela stadi bai stori long 10-pela bikpela samting yumi mas tingim. Faivpela em ol samting bai kamap nau long dispela taim we Satan i bosim graun na narapela 5-pela em long ol samting bai kamap long nupela taim.

STADI 3 PES 18-22

Yumi laik tru bai pinis bilong pasin nogut bilong graun i mas kam na Paradais i ken kamap olsem Baibel i tok profet long en. Maski yu wet inap planti mun o planti yia, bilong wanem pasin bilong i no les kwik em bikpela samting? Dispela stadi bai helpim yumi long kisim pasin bilong i no les kwik.

STADI 4 PES 23-27

Olgeta manmeri bilong God i laik tru bai pinis bilong pasin nogut bilong nau i mas kam. Dispela stadi bai kamapim olsem wanem i gutpela long yumi no save long de o aua stret pinis bai kam.

STADI 5 PES 28-32

Inap longpela taim ol kibung i bin i stap olsem wanpela bikpela samting bilong lotu i tru. Dispela stadi bai skelim sampela gutpela wok ol dispela kibung i bin kamapim long bipo na long nau, na i stori long ol blesing yumi kisim taim yumi go long ol kibung.