Ol Miting Bilong Wok

Wik i Kirap Long Februeri 14

Singsing 174

10 min: Ol toksave bilong kongrigesen. Sampela Toksave bilong Wok Kingdom. Stori na mekim soim long pasin bilong tilim buklet Was i Stap! long taim bilong bikpela wok long Februeri 13 i go Mas 12. Yupela i ken mekim wok long ol tok i stap long namel pepa long Wok Kingdom bilong Janueri 2005 o ol narapela pasin bilong tilim magasin i gutpela long hap bilong yupela.

35 min: “Mas, Epril, na Me—Taim Bilong Mekim Bikpela Wok Moa Bilong Autim Tok.”a Wasman autim tok i lukautim dispela hap. Taim yu skelim paragraf 6, kamapim tok bilong Awake! bilong Septemba 8, 2004, p. 12-13. Kolim nem bilong ol bratasista i insait long wok painia haptaim. Toksave long ol narapela bung bilong autim tok em ol i stretim bilong mekim. Kirapim olgeta long mekim bikpela wok moa bilong autim tok long Mas, Epril na Me.

Singsing 14 na beten.

Wik i Kirap Long Februeri 21

Singsing 31

 5 min: Ol toksave bilong kongrigesen.

20 min: Kirapim Ol Man Long Kisim Save Moa Long Rot Bilong Nupela Buklet. Wasman autim tok i toktok wantaim ol bratasista na kamapim ol askim. Yumi mas i go bek lukim ol man i kisim buklet Was i Stap! na kirapim laik bilong ol long kisim save moa. Mekim wok long p. 2 na soim man bilong haus long lista bilong ol tok i stap insait, na stori liklik long ol wan wan tok i stap aninit long strongpela rait. Yu ken yusim ol dispela tok bilong mekim ol gutpela gobek i givim save long man. Olsem: Sapos long namba wan taim yu bungim man na yu bin stori long p. 3-4, orait taim yu go bek lukim em yu ken stori long dispela hap “God i Save Tingim Tru Yumi o Nogat?” long p. 5. Stori long olsem wanem ol bratasista i ken mekim olsem. Yu ken stori long ol tok i stap long p. 6-8 na 17-18 o ol narapela tok i stret long hap bilong yupela. Mekim wok long wanpela bilong ol tok insait long buklet na mekim soim long pasin bilong mekim gobek. Ritim wanpela o sampela skripsa i stap long buklet na stori long en. Bilong pinisim tok, pablisa i kamapim narapela tok insait long buklet na bai em i ken stori long en taim em i go bek lukim man bilong haus.

20 min: “Tok Tenkyu Long Jehova Long Gutpela-Pasin-Sori Bilong Em.”b Toksave long wanem taim na ples bilong mekim Memorial na nem bilong brata bai mekim tok bilong Memorial na ol narapela samting bilong Memorial. Taim yu skelim par. 4, mekim wanpela sotpela soim long wanpela pablisa i singautim wanpela man long magasin-raun bilong em long kam long Memorial. Sapos yupela i no bin tilim yet ol pepa bilong singautim man i kam long Memorial na bai ol pablisa i ken kisim, orait yupela i mas mekim olsem taim miting i pinis.

Singsing 21 na beten.

Wik i Kirap Long Februeri 28

Singsing 42

13 min: Ol toksave bilong kongrigesen. Ripot bilong ol akaun. Kirapim ol pablisa long putim ripot bilong autim tok bilong Februeri. Bihainim ol tok i stap long baksait pes (sapos i stret long hap bilong yupela) bilong Wok Kingdom na mekim soim long pasin bilong tilim Wastaua bilong Janueri 15 na Kirap! bilong Janueri-Mas. Mekim narapela soim long pasin bilong tilim Wastaua bilong Februeri 1 na wanpela nupela Awake! Yu ken mekim wok long ol narapela pasin bilong tilim magasin. Long pinis bilong wanpela soim, pablisa i ken givim pepa bilong singautim man bilong haus na tokim em long kam long Memorial.

22 min: Kirapim Baibel Stadi Wantaim Ol Man i Kisim Nupela Buklet. Wasman autim tok i toktok wantaim ol bratasista na kamapim ol askim. Stori liklik long pasin bilong mekim gobek em ol i bin mekim soim long en long Miting Bilong Wok long las wik, na stori moa long laspela hap bilong soim we pablisa i soim man bilong haus long ol narapela tok i stap long buklet. Yu ken makim wankain pablisa (sapos inap) long yusim buklet na mekim soim long em i mekim gobek. Pablisa i mekim wok long baksait bilong buklet na tokim man bilong haus olsem em i laik stadi wantaim em long Baibel, na em i stretim rot bilong mekim stadi 1 bilong buklet Yumi Mas Mekim Wanem?, long taim em i go bek lukim man. Kirapim olgeta bratasista long tingting strong long kirapim ol Baibel stadi long ol man i bin kisim buklet Was i Stap!

10 min: “Nupela Pasin Bilong Mekim Riviu Long Ol Tok Bilong Kibung.” Wanpela tok na kamapim sampela askim long ol tok i stap long p. 6. Kolim det bilong kibung sekit na spesel de kibung sapos yu save long en. Ol lain i laik kisim baptais i mas toksave long wasman siaman paslain tru long taim bilong kibung.

Singsing 72 na beten.

Wik i Kirap Long Mas 7

Singsing 12

 8 min: Ol toksave bilong kongrigesen. Stori long ol bikpela tok bilong blok “Ol Samting Bilong Tingim Long Memorial.” Bikpela wok bilong tilim buklet Was i Stap! bai pinis long Mas 12. Bihain long dispela det, bai yumi tilim buk Save.

20 min: “Olsem Wanem Yumi Ken Yusim Ol Tok Ol i Redim Pinis.”c Mekim wok long askim i stap pinis. Taim yupela i skelim pinis dispela tok, bihainim ol tok i stap long namel pepa bilong Wok Kingdom bilong Janueri 2005, na mekim soim long pasin bilong tilim buk Save.

17 min: “Mekim Ol Baibel Stadi i Save Helpim Ol Man—Namba 6 Hap.”d Mekim wanpela soim long 4-pela minit. Wanpela Baibel sumatin i askim pablisa long wanem as na wan wan man tasol i save kisim bret na wain long taim bilong Memorial. Pablisa i tok amamas long em i kamapim dispela askim, na pablisa i raitim dispela askim long notbuk bilong em, na em i tokim sumatin olsem ol bai stori long dispela askim bihain long ol i stadi pinis. Long pinis bilong stadi, pablisa i soim sumatin dispela askim “Husat i ken kisim bret na wain?” long buk Toktok Gut, p. 273. Tupela wantaim i ritim, na sumatin i tok tenkyu long bekim em i kisim long askim bilong em.

Singsing 192 na beten.

[Ol Futnot]