Buk Song
118 Tok tenkyu long Jehova, long wanem, em i gutpela;+
Gutpela pasin laikim* bilong em i save stap oltaim oltaim.
2 Yupela Israel i mas tok olsem:
“Gutpela pasin laikim* bilong em i save stap oltaim oltaim.”
3 Ol lain tumbuna pikinini bilong Aron i mas tok olsem:
“Gutpela pasin laikim* bilong em i save stap oltaim oltaim.”
4 Ol manmeri i save pret long Jehova, ol i mas tok olsem:
“Gutpela pasin laikim* bilong em i save stap oltaim oltaim.”
5 Mi gat bikpela hevi na mi prea long Ja;*
Ja i harim prea bilong mi na i kisim mi i go long wanpela ples we mi inap i stap gut.+
6 Jehova i stap long sait bilong mi; olsem na mi no inap pret.+
Ol man bai mekim wanem long mi?+
7 Jehova i stap long sait bilong mi na em i save helpim mi;*+
Olsem na bai mi lukim bagarap i painim ol man i nolaik tru long mi.+
8 I gutpela moa yumi go long Jehova bai em i stap ples hait bilong yumi
Na yumi no bilip long ol man.+
9 I gutpela moa yumi go long Jehova bai em i stap ples hait bilong yumi
Na yumi no bilip long ol hetman.+
10 Ol arapela lain manmeri i raunim mi,
Tasol long strong bilong nem bilong Jehova,
Mi rausim ol i go.+
11 Ol i raunim mi, yes, ol i raunim mi olgeta,
Tasol long strong bilong nem bilong Jehova,
Mi rausim ol i go.
12 Ol i raunim mi olsem ol bi,
Tasol ol i dai kwiktaim olsem paia i dai namel long ol rop i gat nil.
Long strong bilong nem bilong Jehova,
Mi rausim ol i go.+
13 Ol i pusim mi strong* bilong mekim mi pundaun,
Tasol Jehova i helpim mi.
14 Ja em i ples hait bilong mi na em i save strongim mi,
Na em i stap man bilong kisim bek mi.+
15 Nois bilong ol man i singaut na amamas na tok tenkyu i kamap
Long haus sel bilong ol stretpela manmeri.
Rait han bilong Jehova i kamapim klia strong bilong em.+
16 Jehova i apim rait han bilong em long soim olsem em i win long pait;
Rait han bilong Jehova i kamapim klia strong bilong em.+
17 Mi no ken i dai yet, nogat. Bai mi stap laip,
Na bai mi tokaut long ol wok em Ja i bin mekim.+
19 Opim ol geit bilong stretpela pasin;+
Mi bai go insait na preisim Ja.
20 Dispela em geit bilong Jehova.
Ol stretpela manmeri i ken i go insait long en.+
21 Mi bai givim biknem long yu, long wanem, yu harim singaut bilong mi+
Na yu stap man bilong kisim bek mi.
24 Dispela em i de Jehova i makim pinis;
Mipela bai amamas na belgut long en.
25 Jehova, mipela askim yu, plis, seivim mipela!
Jehova, helpim mipela plis, long winim pait!
26 Blesing i stap long man i kam long nem bilong Jehova;+
Mipela i stap long haus bilong Jehova na blesing i ken i stap long yupela.
27 Jehova em i God;
Em i save givim yumi lait.+
Yupela holim ol han bilong diwai na bung wantaim ol lain i go long bikpela bung.+
Na go klostu long ol kom bilong alta.+
28 Yu God bilong mi na mi bai givim biknem long yu;
God bilong mi, mi bai litimapim nem bilong yu.+