Buk Song
Tok i go long dairekta; singim long nek ol i kolim “Dia Bilong Bikmoning.”* Devit i raitim dispela song.
22 God bilong mi, God bilong mi, bilong wanem yu lusim mi?+
Bilong wanem yu no kam na helpim mi?
Bilong wanem yu no harim krai bilong mi taim mi pilim hevi nogut tru?+
2 God bilong mi, long san mi wok long singaut long yu, tasol yu no harim singaut bilong mi;+
Na long nait tu mi singaut na mi no pasim maus bilong mi.
3 Tasol yu holi,+
Na ol Israel i save litimapim nem bilong yu.
6 Ol man i krosim mi na ol manmeri i no laikim mi,+
Ol i lukim mi olsem liklik snek na samting nating.
7 Ol man i lukim mi, ol i tok bilas long mi;+
Ol i soim tang long mi na meknaisim het bilong ol bilong tok bilas long mi.+ Na ol i tok:
8 “Em i putim em yet long han bilong Jehova. Olsem na larim Em i helpim em!
Sapos God i laikim em tru, orait larim Em i kisim em bek!”+
9 Yu tasol i kisim mi long bel bilong mama,+
Na yu tasol i lukautim mi taim mi dring susu yet.
10 Kirap long taim mi bon na i kam inap nau, mi bilip long yu;
Long taim mama i karim mi, yu stap God bilong mi.
11 Yu no ken i stap longwe long mi, long wanem, klostu hevi i laik kamap long mi+
Na i no gat wanpela man bilong helpim mi.+
13 Ol i opim maus bilong ol bilong bagarapim mi,+
Olsem laion i singaut na i brukim abus i go liklik liklik.+
14 Strong bilong mi i pinis olgeta, olsem wara ol i kapsaitim;
Olgeta join bilong bun bilong mi i lus.
15 Strong bilong mi i pinis olgeta olsem hap sospen graun i drai olgeta;+
Tang bilong mi i pas long gam bilong mi;+
Yu bringim mi i go daun long hul bilong i dai.+
16 Ol birua bilong mi i raunim mi olsem ol dok i raunim mi;+
Ol man nogut i raunim mi long olgeta hap,+
Ol i olsem laion i mekim save long han na lek bilong mi.+
17 Olgeta bun bilong mi i kamap ples klia.+
Ol i lukluk strong long mi.
19 Tasol Jehova, yu no ken stap longwe long mi.+
Yu save strongim mi; yu mas kam hariap na helpim mi.+
20 Yu mas kisim bek mi na bainat i no ken kilim mi i dai,
Yu mas kisim bek gutpela laip bilong mi long han bilong ol birua bilong mi em ol i olsem ol dok;+
21 Kisim bek mi long maus bilong laion+ na long ol kom bilong ol wel bulmakau;
Na harim singaut bilong mi na kisim bek mi.
22 Bai mi tokaut long nem bilong yu long ol brata bilong mi;+
Bai mi litimapim nem bilong yu namel long ol lain manmeri i bung.+
23 Yupela ol manmeri i save pret long Jehova, litimapim nem bilong em!
Yupela lain pikinini bilong Jekop, givim biknem long em!+
Yupela lain pikinini bilong Israel, yupela i mas givim rispek long em.
24 Em i no save givim baksait long man i karim hevi;+
Em i no save haitim pes bilong em long man i karim hevi.+
Taim dispela man i singaut long kisim helpim em i save harim singaut bilong em.+
25 Namel long bikpela lain manmeri i bung, bai mi litimapim nem bilong yu;+
Bai mi truim ol tok promis mi mekim long ai bilong ol manmeri i save pret long yu.
26 Man i gat pasin daun, em bai i kaikai na i pulap tru;+
Na ol man i go long Jehova, bai ol i litimapim nem bilong em.+
Yupela i ken i stap gut inap oltaim oltaim.
27 Olgeta manmeri bilong graun bai tingting long Jehova, na i kam bek long em.
Olgeta lain manmeri bai brukim skru long ai bilong yu.+
28 Jehova tasol i stap king;+
Em i bosim olgeta lain manmeri.
29 Olgeta maniman long graun bai kaikai na ol bai brukim skru na lotu;
Ol man i go bek long graun, ol bai nildaun long ai bilong em;
Olgeta bai bagarap, i no gat wanpela bilong ol bai i stap laip.
30 Ol lain pikinini bilong ol i kamap bihain bai mekim wok bilong em;
Ol man bai tokaut long Jehova long ol lain manmeri i kamap bihain.
31 Ol bai kam na stori long stretpela pasin bilong em.
Ol manmeri i bon bihain, ol bai tokim ol long ol samting em i bin mekim.