Genesa

5 Leyi i buku ya matimu ya Adamu. Siku leri Xikwembu xi nga tumbuluxa Adamu ha rona, xi n’wi endla a fana ni Xikwembu.+ 2 Xi va tumbuluxe va ri waxinuna ni waxisati.+ Endzhaku ka sweswo xi va katekisa, xi va thya xi ku i Munhu,+ esikwini leri xi nga va tumbuluxa+ ha rona.

3 Adamu a hanya malembe ya 130. Kutani a va tata wa n’wana la fanaka na yena, la nga xifaniso xakwe, a n’wi thya vito ra Seta.+ 4 Masiku ya Adamu endzhaku ka ku va tata wa Seta a ku ri malembe ya 800. Enkarhini wolowo a va tata wa vana va majaha ni va vanhwanyana.+ 5 Masiku hinkwawo lawa Adamu a ma hanyeke a ma ri malembe ya 930, kutani a fa.+

6 Seta a hanya malembe ya 105. Kutani a va tata wa Enosi.+ 7 Endzhaku ka ku va tata wa Enosi, Seta a hambeta a hanya malembe ya 807. Enkarhini wolowo a va tata wa vana va majaha ni va vanhwanyana. 8 Masiku hinkwawo ya Seta a ma ri malembe ya 912, kutani a fa.

9 Enosi a hanya malembe ya 90. Kutani a va tata wa Kenana.+ 10 Endzhaku ka ku va tata wa Kenana, Enosi a hambeta a hanya malembe ya 815. Enkarhini wolowo a va tata wa vana va majaha ni va vanhwanyana. 11 Masiku hinkwawo ya Enosi a ma ri malembe ya 905, kutani a fa.

12 Kenana a hanya malembe ya 70. Kutani a va tata wa Mahalalele.+ 13 Endzhaku ka ku va tata wa Mahalalele, Kenana a hambeta a hanya malembe ya 840. Enkarhini wolowo a va tata wa vana va majaha ni va vanhwanyana. 14 Masiku hinkwawo ya Kenana a ma ri malembe ya 910, kutani a fa.

15 Mahalalele a hanya malembe ya 65. Kutani a va tata wa Yarete.+ 16 Endzhaku ka ku va tata wa Yarete, Mahalalele a hambeta a hanya malembe ya 830. Enkarhini wolowo a va tata wa vana va majaha ni va vanhwanyana. 17 Masiku hinkwawo ya Mahalalele a ma ri malembe ya 895, kutani a fa.

18 Yarete a hanya malembe ya 162. Kutani a va tata wa Enoko.+ 19 Endzhaku ka ku va tata wa Enoko, Yarete a hambeta a hanya malembe ya 800. Enkarhini wolowo a va tata wa vana va majaha ni va vanhwanyana. 20 Masiku hinkwawo ya ku hanya ka Yarete a ma ri malembe ya 962, kutani a fa.

21 Enoko a hanya malembe ya 65. Kutani a va tata wa Metusela.+ 22 Endzhaku ka ku va tata wa Metusela, Enoko a ya emahlweni a famba ni Xikwembu xa ntiyiso malembe ya 300. Enkarhini wolowo a va tata wa vana va majaha ni va vanhwanyana. 23 Masiku hinkwawo ya Enoko a ma ri malembe ya 365. 24 Enoko a ya emahlweni a famba+ ni Xikwembu+ xa ntiyiso. Kutani a nga ha vi kona, hikuva Xikwembu a xi n’wi tekile.+

25 Metusela a hanya malembe ya 187. Kutani a va tata wa Lameke.+ 26 Endzhaku ka ku va tata wa Lameke, Metusela a hambeta a hanya malembe ya 782. Enkarhini wolowo a va tata wa vana va majaha ni va vanhwanyana. 27 Masiku hinkwawo ya Metusela a ma ri malembe ya 969, kutani a fa.

28 Lameke a hanya malembe ya 182. Kutani a va ni n’wana wa jaha. 29 A n’wi thya vito ra Nowa,+ a ku: “Loyi u ta hi chavelela entirhweni wa hina ni le ka ku twa ku vava ka mavoko ya hina, loku vangiwaka hi misava leyi Yehovha a yi rhukaneke.”+ 30 Endzhaku ka ku va tata wa Nowa, Lameke a hambeta a hanya malembe ya 595. Enkarhini wolowo a va tata wa vana va majaha ni va vanhwanyana. 31 Masiku hinkwawo ya Lameke a ma ri malembe ya 777, kutani a fa.

32 Nowa a va ni malembe ya 500 hi vukhale. Endzhaku ka sweswo Nowa a va tata wa Xeme,+ Hamu+ na Yafeta.+