Vakorinto Wo Sungula

12 Vamakwerhu, ndzi lava leswaku mi ti tiva kahle tinyiko ta moya.+ 2 Ma swi tiva leswaku loko ma ha ri vanhu va matiko,* a mi gandzela swikwembu leswi nga vulavuliki+ naswona a mi endla ku rhandza ka swona. 3 Sweswi ndzi lava mi tiva leswaku a ku na munhu loyi moya wa Xikwembu wu nga n’wi endlaka a ku: “Yesu u rhukaniwile,” naswona a ku na munhu loyi a nga vulaka a ku: “Yesu i Hosi,” loko ku nga ri hikwalaho ka moya lowo kwetsima.+

4 Ku ni tinyiko to hambanahambana kambe ku ni moya wun’we.+ 5 Ku ni tindlela to hambanahambana to tirhela van’wana+ kambe ku ni Hosi yin’we. 6 Moya lowo kwetsima wu pfuna vanhu hi tindlela to hambanahambana leswaku va endla swilo swo tala, hambiswiritano ku ni Xikwembu xin’we ntsena lexi endlaka swilo hinkwaswo hi ku tirhisa vanhu hinkwavo.+ 7 Kambe leswi moya lowo kwetsima wu va pfumelelaka ku swi endla swi le rivaleni naswona Xikwembu xi va nyika wona hi xikongomelo xo pfuna.+ 8 Hi ku tirhisa moya lowu, un’wana u nyikiwe matimba yo vulavula hi vutlhari, kasi un’wana u nyikiwe matimba yo vulavula swilo leswi van’wana va nga swi tiviki a tirhisa moya lowu fanaka. 9 Un’wana u nyikiwe ripfumelo+ a tirhisa moya lowu fanaka, un’wana u nyikiwe nyiko ya ku horisa+ hi moya wolowo. 10 Kasi un’wanyana u nyikiwe ku endla mitirho ya matimba,+ un’wana u nyikiwe ku profeta, un’wana u nyikiwe ku twisisa marito lama humaka eka Xikwembu,+ un’wana u nyikiwe ku vulavula hi tindzimi,+ kasi un’wana u nyikiwe ku hlamusela tindzimi.+ 11 Kambe mitirho leyi hinkwayo yi endliwa hi moya wolowo, wu avela un’wana ni un’wana hilaha wu rhandzaka hakona.

12 Hilaha miri wu nga wun’we kambe wu nga ni swirho swo tala naswona swirho hinkwaswo swa miri wolowo swi vumbaka miri wun’we+ hambileswi swi nga tala, swi tano na hi Kreste. 13 Hikuva hinkwerhu hi khuvuriwe hi moya wun’we leswaku hi va emirini wun’we, hambi hi Vayuda kumbe Magriki, hambi hi mahlonga kumbe hi tshunxekile, naswona hinkwerhu hi amukele moya wolowo.

14 Hikuva entiyisweni miri a wu na xirho xin’we kambe wu ni swirho swo tala.+ 15 Loko nenge wo tshuka wu ku, “Leswi ndzi nga riki voko, a ndzi xirho xa miri,” sweswo a swi endli leswaku wu nga vi xirho xa miri. 16 Niloko ndleve yo tshuka yi ku, “Leswi ndzi nga riki tihlo, a ndzi xirho xa miri,” sweswo a swi endli leswaku yi nga vi xirho xa miri. 17 Loko miri hinkwawo a wu ri tihlo, xana a hi ta twa hi yini? Loko miri hinkwawo a wu ri ndleve, xana a hi ta nun’hwetela hi yini? 18 Kambe Xikwembu xi veke xirho xin’wana ni xin’wana xa miri hilaha xi swi rhandzeke hakona.

19 Loko hinkwaswo a swi ri xirho xin’we, xana miri a wu ta va kwihi? 20 Kambe swirho swi tele kasi miri i wun’we. 21 Tihlo a ri nge byeli voko ri ku, “A ndzi na mhaka na wena,” kumbe nhloko a yi nge byeli milenge yi ku, “A ndzi na mhaka na n’wina.” 22 Ku ri na sweswo, swirho swa miri leswi vonakaka onge a swi pfuni nchumu swa laveka 23 ni swirho leswi hi ehleketaka leswaku a swi xiximeki, hi swi xixima ngopfu,+ kutani swirho swa hina leswi hi khomisaka tingana hi swi xixima ngopfu 24 kasi swirho swa hina swo saseka a swi lavi ku xiximiwa hi ndlela yoleyo. Nilokoswiritano, Xikwembu xi hlanganise miri, xi nyika xirho lexi nga xiximekiki ku xiximeka lokukulu ngopfu, 25 leswaku ku nga vi ni ku avana emirini kambe swirho swa wona swi hlayisana.+ 26 Loko xirho xin’we xi xaniseka, swirho leswin’wana hinkwaswo swi xaniseka na xona;+ kumbe loko xirho xin’wana xi dzunisiwa, swirho leswin’wana hinkwaswo swi tsaka na xona.+

27 Kutani n’wina mi miri wa Kreste+ naswona un’wana ni un’wana wa n’wina i xirho xa miri wakwe.+ 28 Xikwembu xi hlawule vanhu vo hambanahambana evandlheni: vo sungula i vaapostola;+ va vumbirhi i vaprofeta;+ va vunharhu i vadyondzisi;+ ku landzela lava endlaka mitirho ya matimba;+ lava nga ni tinyiko ta ku horisa;+ lava pfunaka van’wana; lava nga ni vuswikoti byo rhangela+ ni lava vulavulaka tindzimi.+ 29 Xana hinkwavo i vaapostola? Xana hinkwavo i vaprofeta? Xana hinkwavo i vadyondzisi? Xana hinkwavo va endla mitirho ya matimba? 30 Xana hinkwavo va ni tinyiko ta ku horisa? Xana hinkwavo va kota ku vulavula hi tindzimi?+ Xana hinkwavo i vahundzuluxeri?+ 31 Tikarhateleni ku kuma mikateko yo antswa.+ Kambe ndzi ta mi komba ndlela leyi yi tlulaka hinkwaswo.+