Vaavanyisi
5 Hi siku rero Debora+ na Baraka+ n’wana wa Abinowamu va yimbelela risimu leri nge:+
2 “Dzunisani Yehovha,
Hikwalaho ka leswi vanhu va yeke hi ku tirhandzela enyimpini,+
Ni hikwalaho ka leswi misisi* ya masocha yi tshikiweke yi nga bohiwanga eIsrayele.
3 Yingisani, n’wina tihosi! Yingisani, n’wina vafumi!
Ndzi ta yimbelelela Yehovha.
Ndzi ta dzunisa Yehovha,+ Xikwembu xa Israyele+ hi tinsimu.
4 Misava yi ninginikile naswona matilo ma nise mpfula,
Mapapa ma chulule mati,
Loko wena Yehovha u huma eSeyiri,+
Loko u huma eEdomu.
6 Enkarhini wa Xamugari+ n’wana wa Anati,
Ni le nkarhini wa Yayele,+ mapato lamakulu ma tshikiwile ma nga ha tirhisiwi;
Vafambi va tirhise mapato lamatsongo.
7 Lava tshamaka ematikoxikaya eIsrayele a va nga ha ri kona;
A ku nga ha ri na munhu ku fikela loko mina Debora+ ndzi vekiwa,
Ku fikela loko ndzi vekiwa ku va manana eka Vaisrayele.+
Xitlhangu ni tlhari ro leha a swi nga ri kona,
Exikarhi ka vavanuna va 40 000 eIsrayele.
Dzunisani Yehovha!
10 N’wina lava khandziyeke timbhongolo ta xitshopana,
N’wina lava tshamaka emimeteni yo durha,
Na n’wina mi fambaka epatweni,
Anakanyisisani hi mitirho ya Xikwembu!
11 A ku twala marito ya varisi etindhawini leti ku kiwaka mati eka tona;
Kwalaho va sungule ku vula mitirho yo lulama ya Yehovha,
Mitirho yo lulama ya vanhu vakwe lava tshamaka ematikoxikaya ya le Israyele.
Hiloko vanhu va Yehovha va ya etigedeni ta miti.
12 Pfuka, pfuka, wena Debora!+
Pfuka, pfuka, yimbelela risimu!+
Pfuka Baraka!+ Rhangela mahlonga ya wena, wena n’wana wa Abinowamu!
13 Kutani lava saleke va ya eka tindhuna;
Vanhu va Yehovha va te eka mina va lwa ni lava nga ni matimba.
14 Lava a va ri enkoveni a va huma eEfrayimi;
Va ku landzela, wena Benjamini, exikarhi ka vanhu va wena.
Tindhuna ti rhelerile ti huma eMakiri,+
Naswona lava khomaka swilo leswi tirhisiwaka hi mutsari a va huma eZebuloni.
15 Varhangeri va nyimba ya Isakara va fambe na Debora,
Leswi nyimba ya Isakara yi fambeke na Debora, Baraka+ na yena u endle tano.
U rhumiwe enkoveni a famba hi milenge.+
Timbilu ta vana van’wana va Rhuveni a ti kanakana.
16 Hikwalaho ka yini u tshame exikarhi ka mikwama,*
U yingisela varisi loko va chayela swifuwo switiringo?+
Hikuva timbilu ta vana van’wana va Rhuveni a ti kanakana.
17 Vaaki va le Giliyadi va tshame etlhelo ra Yordani;+
Hikwalaho ka yini vana va Dani va tshame eswikepeni?+
Vana va Axere va tshame va nga endli nchumu eribuweni ra lwandle,
Naswona va tshame etindhawini leti swikepe swi yimaka eka tona.+
18 Vana va Zebuloni a va tiyimisele hambi ku ri ku fa;
Ni vana va Neftali,+ na vona va endle tano etindhawini leti tlakukeke.+
19 Tihosi ti tile, ti fika ti lwa;
Kutani tihosi ta Kanana ti lwile+
ETanaka ekusuhi ni mati ya Megido.+
A ti yi tekanga silivhere.+
20 Tinyeleti ti lwile ti ri etilweni;
Ti lwe na Sisera ti ri etindhawini ta tona.
Ndzi kandziyele valala va mina lava nga ni matimba.
22 Milenge ya tihanci yi handze misava
Loko tihanci ta Sisera ti ri karhi ti tsutsuma hi rivilo lerikulu.+
23 Ntsumi ya Yehovha yi te, ‘A ku rhukaniwe Merozi,
A ku rhukaniwe vaaki va wona,
Hikuva a va n’wi pfunanga Yehovha,
A va n’wi pfunanga Yehovha ni vanhu vakwe va matimba.’
24 Wansati loyi a katekeke swinene i Yayele+
Nsati wa Hevere+ wa Mukena;
U kateke swinene exikarhi ka vavasati lava tshamaka ematendeni.
25 Sisera u kombele mati; yena a n’wi nyika ntswamba.
U n’wi nyike ntswamba lowu tiyeke hi jomela lerikulu.+
26 Hi voko rakwe u teke mhingu ya tende,
Hi voko rakwe ra xinene u khome hamula.
A belela Sisera, a boxa nhloko yakwe,
A n’wi tlhava a n’wi boxa nhloko.+
27 A wela exikarhi ka milenge yakwe; a wa a nga tshukatshuki;
A wela exikarhi ka milenge yakwe;
Laha a weleke kona, u fele kona.
28 Wansati u hlometele efasitereni,
Mana wa Sisera u hlometele hi fasitere,
‘Hikwalaho ka yini kalichi yakwe yi hlwela ku fika?
Hikwalaho ka yini ni sweswi ndzi nga si wu twa mpfumawulo wa kalichi ya tihanci takwe?’+
29 Vavasati vo tlhariha va le hubyeni yakwe va ta n’wi hlamula;
Na yena n’wini u ta tihlamula,
30 ‘Va fanele va ri eku avelaneni ka leswi va swi phangeke,
Socha ri nyikiwa nhwanyana un’we kumbe vambirhi,
Lapi leri pendiweke leri phangiweke ri nyikiwe Sisera, lapi leri pendiweke leri phangiweke,
Xiambalo lexi khavisiweke, lexi pendiweke, swiambalo swimbirhi leswi khavisiweke
Swa ku khavisa tinhamu ta vavanuna lava phangeke swilo leswi.’
31 Yehovha Xikwembu xanga, valala va wena hinkwavo a va love,+
Kambe lava ku rhandzaka a va fane ni loko dyambu ri tlhava ri voninga swinene.”
Kutani ku va ni ku rhula etikweni ku ringana malembe ya 40.+