Tipisalema
א [Aleph]
7 Ndzi ta ku dzunisa hi mbilu leyinene
Loko ndzi dyondza swiboho swa wena swo lulama.
8 Ndzi ta yingisa milawu ya wena.
U nga tshuki u ndzi fularhela nikatsongo.
ב [Beth]
9 Xana jaha ri nga swi kotisa ku yini ku tikhoma hi ndlela leyinene?
Hi ku hanya hi rito ra wena.+
10 Ndzi ku lavisisa hi mbilu ya mina hinkwayo.
U nga ndzi tshiki ndzi hambuka ndzi nga hanyi hi swileriso swa wena.+
12 Onge u nga dzunisiwa wena Yehovha;
Ndzi dyondzise milawu ya wena.
13 Ndzi byele van’wana
Swiboho hinkwaswo leswi u swi endleke.
15 Ndzi ta anakanyisisa hi swileriso swa wena+
Naswona ndzi ta veka matihlo ya mina etindleleni ta wena.+
16 Ndza yi rhandza milawu ya wena.
A ndzi nge ri rivali rito ra wena.+
ג [Gimel]
18 Pfula matihlo ya mina leswaku ndzi ta swi vona kahle
Swilo swo hlamarisa leswi nga enawini wa wena.
19 Ndzo va muluveri etikweni.+
U nga ndzi tumbeteli swileriso swa wena.
20 Ndzi tshamela ku navela
Ku tiva swiboho swa wena swa vuavanyisi.
22 Endla leswaku va tshika ku ndzi delela ni ku ndzi tekela ehansi,
Hikuva ndzi yingisa switsundzuxo swa wena.
23 Hambiloko tihosana ti tshama ehansi ti vulavula ku biha hi mina.
Nandza wa wena u anakanyisisa* hi milawu ya wena.
ד [Daleth]
Ndzi hlayise ndzi hanya hilaha u tshembiseke hakona.+
27 Ndzi pfune ndzi twisisa swileriso swa wena,
Leswaku ndzi ta anakanyisisa* hi mitirho ya wena yo hlamarisa.+
28 Ni vurhongo a bya ha khomi hikwalaho ka gome.
Ndzi tiyise hi rito ra wena.
30 Ndzi hlawule ndlela ya ku tshembeka.+
Ndza swi vona leswaku swiboho swa wena i swinene.
31 Ndzi namarhela switsundzuxo swa wena.+
Yehovha Xikwembu xanga, u nga ndzi tshiki ndzi khomisiwa tingana.+
ה [He]
34 Ndzi nyike ku twisisa,
Leswaku ndzi ta hlayisa nawu wa wena
Ndzi wu yingisa hi mbilu ya mina hinkwayo.
37 Endla leswaku matihlo ya mina ma nga languti swilo leswi nga pfuniki nchumu;+
Ndzi hlayise ndzi hanya endleleni ya wena.
40 Vona ndlela leyi ndzi navelaka swileriso swa wena ha yona.
Ndzi hlayise ndzi hanya hikuva u lulamile.
ו [Waw]
41 Ndzi kombe rirhandzu, wena Yehovha,+
Ndzi ponise hilaha u tshembiseke hakona;+
42 Kutani ndzi ta hlamula loyi a ndzi tlhontlhaka,
Hikuva ndzi tshembela eritweni ra wena.
45 Naswona ndzi ta fambafamba endhawini leyi sirhelelekeke,*+
Hikuva ndzi lavisisa swileriso swa wena.
46 Ndzi ta vulavula hi switsundzuxo swa wena emahlweni ka tihosi,
Naswona a ndzi nge khomiwi hi tingana.+
ז [Zayin]
50 Lowu i nchavelelo wa mina loko ndzi ri emaxangwini,+
Hikuva rito ra wena ri ndzi hlayise ndzi hanya.
52 Yehovha Xikwembu xanga, ndzi tsundzuka swiboho swa wena swa khale swinene,+
Naswona swa ndzi chavelela.+
56 Sweswo ndzi swi endle mukhuva
Hikuva ndzi yingise swileriso swa wena.
ח [Heth]
57 Hinkwaswo leswi ndzi nga na swona swi huma eka Yehovha;+
Ndzi tshembise ku yingisa marito ya wena.+
59 Ndzi kambisise tindlela ta mina,
Leswaku ndzi ta tlhelela eka wena ndzi yingisa switsundzuxo swa wena.+
ט [Teth]
65 U endlele nandza wa wena leswinene,
Hilaha u tshembiseke hakona, Yehovha Xikwembu xanga.
68 U lonene+ ni mitirho ya wena i yinene.
Ndzi dyondzise milawu ya wena.+
69 Lava manyunyu va ndzi mbyindla hi mavunwa,
Kambe ndzi yingisa swileriso swa wena hi mbilu ya mina hinkwayo.
י [Yod]
73 Ndzi endliwe hi mavoko ya wena, hi wona ma nga ndzi vumba.
Ndzi nyike ku twisisa,
Leswaku ndzi ta dyondza swileriso swa wena.+
75 Yehovha Xikwembu xanga, ndza swi tiva leswaku swiboho swa wena, swi lulamile+
Nileswaku u ndzi tshinye hikwalaho ka ku tshembeka ka wena.+
76 Ndzi kombela ku chaveleriwa hi rirhandzu ra wena,+
Hi ku ya hi leswi u swi tshembiseke nandza wa wena.
78 Lava tikukumuxaka a va khomiwe hi tingana,
Hikuva va ndzi dyohela ndzi nga va endlelanga nchumu.
Kambe ndzi ta anakanyisisa* hi swileriso swa wena.+
79 Lava ku chavaka a va tlhelele eka mina,
Lava tivaka switsundzuxo swa wena.
כ [Kaph]
82 Matihlo ya mina ma navela ku vona switshembiso swa wena,+
Loko ndzi ku: “Xana u ta ndzi chavelela rini?”+
84 Xana nandza wa wena u ta rindza masiku mangani?
Xana u ta va avanyisa rini lava ndzi xanisaka?+
85 Lava tikukumuxaka va ndzi celele migodi,
Lava delelaka nawu wa wena.
86 Swileriso swa wena hinkwaswo swi tshembekile.
Ndzi pfune hikuva vanhu va ndzi xanisa ndzi nga va dyohelanga nchumu.+
87 A ku sale katsongo va ndzi lovisile,
Kambe a ndzi swi fularhelanga swileriso swa wena.
88 Ndzi hlayise ndzi hanya hikwalaho ka rirhandzu ra wena,
Leswaku ndzi ta yingisa switsundzuxo swa wena.
ל [Lamed]
90 U tshembekile eka vanhu hinkwavo.+
U tumbuluxe misava naswona yi ta tshama yi ri kona.+
93 A ndzi nge pfuki ndzi swi rivarile swileriso swa wena,
Hikuva hi swona swi nga endla leswaku u ndzi tshika ndzi hanya.+
95 Lavo homboloka va lava ku ndzi lovisa,
Kambe ndzi yingiserisisa switsundzuxo swa wena.
96 Ndzi xiye leswaku swilo hinkwaswo leswi hetisekeke swi ni swipimelo,
Kambe milawu ya wena a yi na swipimelo.*
מ [Mem]
97 Ndzi wu rhandza swinene nawu wa wena!+
Ndzi anakanyisisa* ha wona siku hinkwaro.+
99 Ndzi twisisa ku tlula vadyondzisi va mina hinkwavo,+
Hikuva ndzi anakanyisisa* hi switsundzuxo swa wena.
100 Ndzi twisisa ku tlula vanhu lavakulu,
Hikuva ndzi yingisa swileriso swa wena.
101 A ndzi pfumeli ku famba hi ndlela yihi ni yihi yo homboloka,+
Leswaku ndzi ta yingisa rito ra wena.
102 A ndzi hambuki enawini wa wena,
Hikuva u ndzi dyondzisile.
104 Ndzi endla swilo hi ku twisisa hikwalaho ka milawu ya wena.+
Hi yona mhaka leyi ndzi vengaka tindlela hinkwato ta mavunwa.+
נ [Nun]
106 Ndzi hlambanyile naswona ndzi ta swi endla,
Leswaku ndzi yingisa swiboho swa wena swo lulama.
Ndzi sirhelele hilaha u tshembiseke hakona, Yehovha Xikwembu xanga.+
108 Yehovha Xikwembu xanga, ndzi kombela u amukela magandzelo ya ku ku dzunisa,+
U ndzi dyondzisa milawu ya wena.+
111 Switsundzuxo swa wena swi ta va ndzhaka ya mina hilaha ku nga heriki,
Hikuva swi tsakisa mbilu ya mina.+
112 Ndzi endle xiboho xo yingisa milawu ya wena
Hilaha ku nga heriki, kukondza ndzi fa.
ס [Samekh]
115 Fambelani ekule na mina n’wina vanhu vo homboloka,+
Leswaku ndzi ta yingisa swileriso swa Xikwembu xanga.
116 Ndzi seketele hilaha u tshembiseke hakona,*+
Leswaku ndzi ta ya emahlweni ndzi hanya;
U nga ndzi tshiki ndzi khomisiwa tingana.+
117 Ndzi seketele leswaku ndzi ta ponisiwa;+
Kutani ndzi ta tshama ndzi anakanyisisa hi milawu ya wena.+
119 U herisa hinkwavo lavo homboloka emisaveni onge hiloko va ri swikampfu.+
Hi yona mhaka ndzi rhandzaka switsundzuxo swa wena.
120 Ndzi ku chava lerova miri wa mina wa rhurhumela;
Ndzi chava vuavanyisi bya wena.
ע [Ayin]
121 Ndzi endle leswinene ni leswi lulameke.
U nga ndzi tshiki emavokweni ya vatshikileri va mina!
122 Tshembisa nandza wa wena leswaku u ta n’wi pfuna;
Lava tikukumuxaka va nga ndzi tshikileli.
123 Matihlo ya mina ma karhele hi ku rindzela ku ponisiwa hi wena+
Ni xitshembiso xa wena xo lulama.+
127 Hi yona mhaka ndzi rhandzaka swileriso swa wena
Ku tlula nsuku, hambi ku ri nsuku wa xiyimo xa le henhla.+
128 Hikwalaho, ndzi teka swileriso hinkwaswo leswi humaka eka wena swi lulamile;+
Ndzi venga ndlela yinʼwana ni yinʼwana leyi nga riki ntiyiso.+
פ [Pe]
129 Switsundzuxo swa wena swa hlamarisa.
Hi yona mhaka ndzi swi yingisa.
130 Loko marito ya wena ma hlamuseriwa ma tisa ku vonakala,+
Ma endla leswaku ni loyi a nga riki na ntokoto a twisisa.+
131 Ndzi ahlamisa nomu wa mina hi ku helela ndzi tlhela ndzi hefemulela ehenhla,
Hikuva ndzi navela swileriso swa wena.+
134 Ndzi ponise eka lava ndzi tshikilelaka,
Ndzi ta yingisa swileriso swa wena.
136 Matihlo ya mina ma xiririka mihloti
Hikwalaho ka leswi vanhu va nga yingisiki nawu wa wena.+
צ [Tsade]
138 Switsundzuxo swa wena swi lulamile
Naswona swa tshembeka swinene.
141 Ndzo va munhu ntsena naswona ndzi tekeriwa ehansi;+
Kambe a ndzi swi rivalanga swileriso swa wena.
143 Hambiloko ndzi weriwa hi maxangu ni swiphiqo,
A ndzi nge tshiki ku rhandza milawu ya wena.
144 Switsundzuxo swa wena swi ta tshama swi lulamile hilaha ku nga heriki.
Ndzi nyike ku twisisa,+ leswaku ndzi ta ya emahlweni ndzi hanya.
ק [Qoph]
145 Ndzi ku vitanile hi mbilu hinkwayo. Ndzi hlamule, Yehovha Xikwembu xanga.
Ndzi ta yingisa milawu ya wena.
146 Ndzi ku vitanile; ndzi ponise!
Ndzi ta yingisa switsundzuxo swa wena.
147 Ndzi pfuke nimpundzu swinene leswaku ndzi kombela ku pfuniwa.+
Hikuva ndzi tshemba marito ya wena.
149 Ndzi yingise hikwalaho ka rirhandzu ra wena.+
Ndzi hlayise ndzi hanya hikuva u lulamile Yehovha.
150 Lava endlaka manyala va ndzi tshinelerile;
Va fambela ekule swinene ni nawu wa wena.
152 Ndzi dyondze switsundzuxo swa wena khale swinene,
Leswi u endleke leswaku swi va kona hilaha ku nga heriki.+
ר [Resh]
156 Tintswalo ta wena i tikulu, wena Yehovha.+
Ndzi hlayise ndzi hanya hikwalaho ka vululami bya wena.
159 Vona ndlela leyi ndzi rhandzaka swileriso swa wena!
Yehovha Xikwembu xanga, ndzi hlayise ndzi hanya hikwalaho ka rirhandzu ra wena.+
160 Mongo wa rito ra wena i ntiyiso,+
Swiboho swa wena hinkwaswo swi ta va kona hilaha ku nga heriki.
ש [Sin] kumbe [Shin]
161 Tihosana ta ndzi xanisa+ ndzi nga ti dyohelanga nchumu,
Kambe mbilu ya mina yi xixima marito ya wena.+
163 Ndzi venga mavunwa, ndza ma nyenya.+
Ndzi rhandza nawu wa wena.+
164 Ndzi ku dzunisa ka nkombo hi siku
Hikwalaho ka swiboho swa wena leswinene.
166 Ndzi langutele ku ponisiwa hi wena Yehovha,
Naswona ndzi yingisa swileriso swa wena.
168 Ndzi yingisa swileriso swa wena ni switsundzuxo swa wena,
Hikuva hinkwaswo leswi ndzi swi endlaka wa swi tiva.+
ת [Taw]
169 Yehovha Xikwembu xanga, yingisa xirilo xa mina xo kombela ku pfuniwa.+
Ndzi endle ndzi twisisa, hilaha u ndzi tshembiseke hakona.+
170 Ndzi yingise loko ndzi kombela ku kombiwa tintswalo.
Ndzi ponise, hilaha u tshembiseke* hakona.
172 Onge ririmi ra mina ri nga yimbelela hi marito ya wena,+
Hikuva swileriso swa wena hinkwaswo swi lulamile.
173 Onge voko ra wena ri nga tshama ri lunghekele ku ndzi pfuna,+
Hikuva ndzi tiyimisele ku yingisa swileriso swa wena.+