Swivuriso

3 N’wananga, u nga yi rivali dyondzo* ya mina,

Onge mbilu ya wena yi nga hlayisa swileriso swa mina,

 2 Hikuva swi ta ku engetelela masiku yo tala

Swi tsimbelele enhan’wini ya wena;

Swi tsale embilwini ya wena;+

 4 Kutani u ta kuma tintswalo ni ku twisisa lokukulu

Ematihlweni ya Xikwembu ni ya vanhu.+

 5 Tshemba Yehovha+ hi mbilu ya wena hinkwayo,

U nga titshegi hi ku twisisa ka wena.+

 6 N’wi tivise tindlela ta wena hinkwato,+

Kutani yena u ta lulamisa tindlela ta wena.+

 8 Leswi swi ta horisa miri* wa wena

Ni ku phyuphyisa marhambu ya wena.

 9 Xixima Yehovha hi swilo swa wena swa nkoka,+

Hi swilo hinkwaswo leswi u swi tshoveleke ku sungula;+

10 Kutani switlati* swa wena swi ta tala hi ku helela,+

Ni makhuwana* ya wena ma ta khapakhapa hi vhinyo leyintshwa.

11 N’wananga, u nga ali ku tshinyiwa hi Yehovha,+

U nga ku nyenyi ku tshinya kakwe,+

12 Hikuva lava Yehovha a va rhandzaka wa va tshinya,+

Hilaha tatana a endlaka hakona eka n’wana wakwe la n’wi rhandzaka.+

13 Wa tsaka munhu la kumaka vutlhari+

Ni munhu loyi a kumaka ku twisisa;

14 Ku byi kuma swi antswa ku tlula ku kuma silivhere,

Naswona ku byi kuma swi antswa ku tlula ku va ni nsuku.+

15 I bya nkoka swinene ku tlula tikorala;*

Byi tlula swilo hinkwaswo leswi u swi navelaka.

16 Evokweni ra byona ra xinene ku ni vutomi byo leha;

Evokweni ra byona ra ximatsi ku ni rifuwo ni ku vangama.

17 Tindlela ta byona ta tsakisa,

Naswona tindlela ta byona hinkwato ti rhurile.+

18 I murhi wa vutomi eka lava khomelelaka eka byona,

Lava khomelelaka swi tiya eka byona va ta vuriwa lava tsakeke.+

20 Hikwalaho ka vutivi byakwe swidziva swa mati swi hambanisiwile

Ni mapapa ma thonise mberha.+

Hlayisa vutlhari ni vuswikoti byo ehleketa;

22 Swi ta ku nyika vutomi

Naswona swi ta sasekisa nhamu ya wena;

23 Kutani u ta famba u sirhelelekile endleleni ya wena,

Ni nenge wa wena a wu nge khudlunyiwi hi nchumu.+

24 Loko u etlela a wu nge chavi;+

U ta etlela naswona vurhongo bya wena byi ta nandziha.+

25 A wu nge wu chavi nchumu lowu chavisaka wa xitshuketa+

Hambi ku ri xidzedze lexi nga ta tela lavo homboloka.+

26 Hikuva Yehovha u ta va xihlovo xa ntshembo wa wena;+

U ta sirhelela nenge wa wena leswaku wu nga phasiwi.+

27 U nga tshuki u ala ku va nyika swilo leswinene lava u faneleke u va nyika swona+

Loko swi ri ematimbeni ya wena ku va pfuna.+

28 U nga byeli munhukuloni u ku, “Famba; u vuya endzhaku ka nkarhi! Ndzi ta ku nyika mundzuku,”

Kasi u nga n’wi nyika sweswi.

29 U nga tshuki u kunguhatela munhukuloni swilo swo biha,+

Loko a titwa a sirhelelekile loko a tshama na wena.

30 U nga holovi ni munhu ku nga ri na xivangelo+

Loko a nga ku endlanga nchumu xo biha.+

31 U nga n’wi naveli munhu wa madzolonga+

Hambi ku ri ku hlawula yin’wana ya tindlela takwe,

32 Hikuva Yehovha wa n’wi nyenya munhu la kanganyisaka,+

Kambe i munghana lonkulu wa lavo lulama.+

33 Yehovha u rhukana ndyangu wa lowo homboloka,+

Kambe u katekisa muti wa lowo lulama.+

34 U hlekula lava hlekulaka,+

Kambe lavo rhula u va komba tintswalo.+

35 Lavo tlhariha va ta xiximiwa,

Kambe lavo hunguka va rhandza tingana.+