Amosi

 2 ‘Nhwana, loyi ku nga Israyele, u wile;

A nge he tlheli a pfuka.

U siyiwe a ri yexe etikweni rakwe;

A nga kona loyi a nga ta n’wi pfuxa.’

‘Muti lowu humaka wu ya enyimpini ni masocha ya 1 000 wu ta vuya ni ya 100;

Lowu humaka wu ri ni ya 100 wu ta vuya ni ya khume, endlwini ya Israyele.’+

 5 Mi nga yi eBethele,+

Mi nga yi eGiligala+ kumbe mi tlulela eBera-xeba,+

Hikuva muti wa Giligala wu ta ya evuhlongeni,+

Kasi muti wa Bethele wu ta lovisiwa.*

 6 Lavani Yehovha leswaku mi ta hanya,+

N’wina va yindlu ya Yosefa, leswaku a nga mi kariheli kukota ndzilo

Lowu nga ta hisa Bethele, ku nga ri na loyi a nga ta wu tima.

 7 Mi avanyisa hi ndlela yo homboloka, mi dyisa vanhu mbitsi,*

A mi lulamanga.+

 8 Loyi a endleke ntlawa wa tinyeleti lowu vuriwaka Kima* ni lowu vuriwaka Kesili,*+

Loyi a hundzulaka munyama lowukulu wu va ku vonakala ka nimixo,

Loyi a hundzulaka nhlikanhi wu va munyama ku fana ni vusiku,+

Loyi a lerisaka mati ya lwandle

Leswaku ma funengeta misava,+

Vito ra yena i Yehovha.

 9 U ta endla leswaku loyi a nga ni matimba a lovisiwa,

A lovisa ni miti leyi sirheleriweke.

10 Va venga vaavanyisi lava tshinyaka vanhu egedeni ya muti,

Va nyenya lava vulavulaka ntiyiso.+

11 Hikwalaho ka leswi mi koxaka xibalo xa masimu eka swisiwana

Mi swi hakerisa hi mavele lawa swi ma rimeke,+

A mi nge he tshami eka tiyindlu ta maribye leti mi ti akeke,+

Ni ku nwa vhinyo leyi humaka emasin’wini ya n’wina lamanene ya madiriva.+

12 Ndzi tiva swiendlo swa n’wina leswo homboloka

Ni ku tala ka swidyoho swa n’wina,

Mi xanisa vanhu vo lulama,

Mi pfumela ku diziwa,

Mi tshikilela swisiwana loko mi avanyisa egedeni ya muti.+

13 Hikwalaho lava tlhariheke va ta miyela enkarhini wolowo,

Hikuva wu ta va nkarhi wa khombo.+

14 Lavani leswinene, ku nga ri leswo biha,+

Leswaku mi ta hanya.+

Kutani Yehovha Xikwembu xa mavuthu u ta va na n’wina,

Hilaha mi vulaka hakona leswaku u na n’wina.+

15 Vengani leswo biha, mi rhandza leswinene,+

Vaavanyisi lava nga kona emutini a va ve ni vululami.+

Kumbexana Yehovha Xikwembu xa mavuthu

U ta va ni tintswalo eka lava saleke va Yosefa.’+

‘Vanhu va ta kalakala exikarhi ka muti,

Va ta kalakala eswitarateni va ku, “Yoo, yoo!”

Va ta vitana ni varimi leswaku va ta rila,

Ni lava hakeriwaka leswaku va ta enkosini va ta rila.’

17 ‘Ku ta va ni swirilo emasin’wini hinkwawo ya madiriva;+

Hikuva ndzi ta hundza exikarhi ka n’wina ndzi mi xupula,’ ku vula Yehovha.

19 Ri ta fana ni loko munhu a balekela nghala, kutani a hlangana ni bere,

Loko a nghena endlwini a tiseketela hi khumbi a lumiwa hi nyoka.

20 Siku ra Yehovha ri ta va munyama, ku nga ri ku vonakala;

Ri ta dzwihala ri pfumala ku vangama.

21 Mikhuvo ya n’wina ndza yi venga, ya ndzi nyenyetsa,+

A ndzi wu tsakeli nun’hwelo wa magandzelo lawa mi ma endlaka etinhlengeletan’weni ta n’wina to hlawuleka.

22 Hambiloko mi ndzi humesela magandzelo yo hisiwa,

A ndzi nge tsaki hi tinyiko toleto ta magandzelo;+

A ndzi nge ma tsakeli magandzelo ya n’wina yo kombela ku rhula lawa mi ma endlaka hi swifuwo leswi noneke.+

23 Mi nga ndzi tingi hi tinsimu ta n’wina;

A ndzi lavi ni ku twa mpfumawulo wa swichayachayana swa n’wina.+

24 Vululami a byi khuluke ku fana ni mati,+

Ku fana ni xinambyana lexi khulukaka nkarhi hinkwawo.

25 N’wina yindlu ya Israyele, xana mi tshame mi ndzi nyika tinyiko ta magandzelo

Hi nkarhi lowu a mi ri emananga ku ringana malembe ya 40?+

26 Mi ta boheka ku rhwala Sakuti hosi ya n’wina na Kayiwani,*

Swifaniso leswi mi tiendleleke swona swa nyeleti ya xikwembu xa n’wina,

27 Ndzi ta mi yisa evuhlongeni ekule ni le Damaska,’+ ku vula loyi vito ra yena ku nga Yehovha Xikwembu xa mavuthu.”+