Swivuriso

19 Swa antswa ku va xisiwana kambe u tshembekile+

Ku tlula ku va xiphukuphuku ni ku vulavula mavunwa.+

 2 A hi swinene leswaku munhu a nga vi na vutivi,+

Naswona loyi a endlaka swilo hi magugu wa dyoha.

 3 Vuphukuphuku bya munhu hi byona byi onhaka ndlela yakwe,

Kutani mbilu yakwe yi karihela Yehovha.

 4 Rifuwo ri endla leswaku munhu a va ni vanghana vo tala,

Kambe xisiwana xi fularheriwa ni hi munghana wa xona.+

 5 Mbhoni ya vunwa yi ta xupuriwa,+

Ni loyi a tshamelaka ku vulavula mavunwa a nge poni.+

 6 Va tele lava lavaka ku kombiwa tintswalo hi munhu loyi a hananaka,

Naswona un’wana ni un’wana i munghana wa munhu loyi a nyikaka tinyiko.

 7 Vamakwavo hinkwavo va xisiwana va xi venga;+

Kasi vanghana va xona va xi papalata!+

 9 Mbhoni ya vunwa yi ta xupuriwa,

Ni loyi a tshamelaka ku vulavula mavunwa u ta lova.+

10 A swi xi faneli xiphukuphuku ku hanya emafurheni;

Hambi ku ri nandza ku fuma tihosana!+

11 Ku twisisa ka munhu ku vohlisa ku hlundzuka kakwe,+

Naswona swi sasekile eka yena loko a bakanya xihoxo.+

12 Ku kariha ka hosi ku fana ni ku bonga* ka nghala,+

Kambe ku tsakeriwa hi yona swi fana ni mberha ehenhla ka byanyi.

13 N’wana la nga xiphukuphuku u vangela tata wakwe maxangu,+

Ni nsati wa timholovo u fana ni lwangu leri tshamelaka ku pfuta.+

14 Yindlu ni rifuwo i ndzhaka leyi humaka eka vatatana,

Kambe nsati wo tlhariha u huma eka Yehovha.+

15 Vulolo byi tisa vurhongo lebyikulu,

Naswona lolo ri ta khomiwa hi ndlala.+

16 Loyi a yingisaka xileriso a nge fi;+

Loyi a nga riki na mhaka ni tindlela takwe u ta fa.+

17 Loyi a kombaka xisiwana tintswalo u lomba Yehovha,+

Naswona U ta n’wi hakela hikwalaho ka leswi a swi endlaka.+

18 Tshinya n’wana wa wena loko swa ha koteka,+

U nga vi ni nandzu wa rifu rakwe.+

19 Munhu wa ximbilwambilwana u ta langutana ni vuyelo bya swiendlo swakwe;

Loko wo ringeta ku n’wi ponisa, u ta boheka ku swi endla hi ku phindhaphindha.+

20 Yingisa xitsundzuxo u tlhela u amukela ndzayo,+

Leswaku u ta tlhariha eka vumundzuku bya wena.+

21 Makungu ma tele embilwini ya munhu,

Kambe xitsundzuxo* xa Yehovha xi ta tshama xi ri kona.+

22 Nchumu lowu tsakisaka eka munhu i rirhandzu rakwe;+

Naswona swa antswa ku va xisiwana ku tlula ku va muhembi.

23 Ku chava Yehovha swi endla leswaku munhu a kuma vutomi;+

Loyi a n’wi chavaka u ta wisa a tsakile, a nge vavisiwi hi nchumu.+

24 Lolo ri nghenisa voko ra rona enkambaneni,

Kambe a ri tikarhati hi ku ri tlherisela enon’wini wa rona.+

25 Bana muhlekuri+ leswaku loyi a nga riki na ntokoto a ta tlhariha,+

Naswona tshinya loyi a twisisaka leswaku a ta engetela vutivi byakwe.+

26 N’wana loyi a xanisaka tata wakwe ni loyi a hlongolaka mana wakwe

U khomisa tingana naswona wa nyumisa.+

27 N’wananga, loko wo tshika ku yingisa ndzayo,

U ta hambana ni marito lama nga ni vutivi.

28 Mbhoni leyi nga pfuniki nchumu yi hlekula vululami,+

Naswona nomu wa vanhu vo homboloka wu mita swo biha.+

29 Vahlekuri va rindzeriwe hi vuavanyisi,+

Naswona swiphukuphuku swi ta biwa mihlana.+