Minhlangano Ya Ntirho Ya February
Vhiki Leri Sungulaka Hi February 1
Risimu 154
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa hinkwavo ku tisa swiviko swa ntirho wa nsimu wa January.
17 min: “Fambisela Vanhu Hinkwavo Buku Leyi Nge Ntsako eNdyangwini.” Nkulu u burisana hi xihloko lexi ni vahuweleri vambirhi kumbe vanharhu lava nga ni vuswikoti. Tivekele pakani ya ku pfuna van’wana leswaku va tiva leswaku xihundla xa ntsako endyangwini xi kumiwa hi ku landzela ndzayo ya Bibele. (Vona buku leyi nge Ntsako eNdyangwini, matluka 9-12.) Endla nkombiso wun’we wa swingheniso leswi ringanyetiweke. Kombisa ndlela yo lunghiselela riendzo ro vuyela.
18 min: “Ambala Vumunhu Lebyintshwa.” Nkulumo leyi sekeriweke eka Vaefesa 4:20-24. (Vona Xihondzo xo Rindza xa March 1,1993, matluka 14-18, tindzimana 4-17.) Hlamusela ndlela leyi hi hluvulaka vumunhu bya khale ha yona ivi hi ambala lebyintshwa.
Risimu 4 ni xikhongelo xo pfala.
Vhiki Leri Sungulaka Hi February 8
Risimu 12
10 min: Switiviso swa vandlha. Xiviko xa timali.
15 min: Swilaveko swa vandlha.
20 min: “Ku Tiyimisela Ka Hina—Ku Landzela Ndlela Ya Yehovha Ya Ku Hanya.” Nkulumo. Khutaza hinkwavo leswaku va va kona nkarhi na nkarhi eminhlanganweni ya ntlhanu ya vandlha vhiki rin’wana ni rin’wana.
Risimu 173 ni xikhongelo xo pfala.
Vhiki Leri Sungulaka Hi February 15
Risimu 40
10 min: Switiviso swa vandlha. Marungula Ya Swa Mfumo.
18 min: Xana Hi Vuyeriwa Njhani Hi Ku Tsarisa eXikolweni Xa Vutirheli Bya Le Tilweni? Ku burisana ni vayingiseri loku fambisiwaka hi mulanguteri wa xikolo. Ku leteriwa ku vulavula erivaleni a hi xona ntsena xikongomelo xa xikolo lexi. Ku ni tindlela tin’wana leti hi vuyeriwaka hi ku kongoma ha tona. (Vona Buku Yo Letela Ya Xikolo, matluka 12-13.) Hi dyondza ku vulavurisana kahle ni vanhu van’wana. Hi dyondzisiwa ku vulavula hi ndlela leyi twisisekaka, ku yimeka ni ku va ni xivindzi. Hi kuma vutshila byo hlamula swivutiso malunghana ni ripfumelo ra hina ni ku hlamusela swiboho swa hina leswi sekeriweke eBibeleni. Vutivi bya hina bya Bibele bya engeteleka, byi hi pfuna ku va lava humelelaka swinene eku nyikeleni ka vumbhoni eka van’wana. Hi dyondza ku xalamukela swihoxo swa hina ni ku amukela ndzayo, leswi endlaka leswaku hi va ni xinghana swinene loko hi tirhisana ni van’wana. Ndzetelo hinkwawo lowu nyikeriwaka hi xikolo wu hi pfuna leswaku hi hambeta hi “faneleka kahle” tanihi vatirheli va Xikwembu.—2 Kor. 3:5, 6.
17 min: “Ndlela Leyi Swirho Swa Ndyangu Swi Nga Tirhisanaka Ha Yona Leswaku Swi Hlanganyela Hi Xitalo—eDyondzweni Ya Bibele.” Ku burisana ka ndyangu. Wu kambisisa ndlela leyi wu swi tirhisaka ha yona swiringanyeto leswi vulavulaka hi ku hlaya Bibele ni dyondzo ya ndyangu leswi kumekaka eka Xihondzo xo Rindza xa May 15, 1996, matluka 14-15, ni Xihondzo xo Rindza xa October 15, 1992, matluka 16-17.
Risimu 57 ni xikhongelo xo pfala.
Vhiki Leri Sungulaka Hi February 22
Risimu 170
10 min: Switiviso swa vandlha.
15 min: Ku Nyikela Vumbhoni Etifuletini Ni Le Tindlwini Ta Le Xivandleni Xin’we Leti Sirheleriweke Swinene. (Loko mi nga ri na xona xiphiqo lexi ensin’wini ya ka n’wina, vulavula hi xilaveko xin’wana xa le ndhawini ya ka n’wina kumbe u vulavula hi xihloko lexi nge “Vulavula Hi Xivindzi,” lexi nga eka Vutirheli Bya Hina Bya Mfumo bya January 1996.) Burisana ni vahuweleri vambirhi kumbe vanharhu. Swa tika ku nyikela vumbhoni eka vanhu lava tshamaka etifuletini ni le tindlwini leti nga exivandleni xin’we loko u boheka ku vulavula hi intercom ntsena. Anakanya hi tindlela leti nga pfuxaka ku tsakela. Hi ku kombisa xinghana, hlamusela leswaku u muakelani; tirhisa vito ra n’wini wa muti loko ri ri kona ebukwini leyi nga ni mavito ya vaaki va ndhawu; boxa mhaka leyi nga enkarhini leyi u lavaka ku vulavula ha yona, kumbe u hlaya xingheniso hi ku kongoma ebukwini leyi nge Ku Hlamulana, eka matluka 9-15; naswona hlamusela leswaku u lava ku n’wi siyela xiphephana, magazini kumbe broxara leyi hlamulaka xivutiso xa nkoka, kutani u boxa xivutiso xa kona. Laha swi nga kotekiki ku vulavula ni munhu, tsalela vaaki va kona mapapila kumbe u nyikela vumbhoni eka vona loko mi hlangana exitarateni. Kombisa ndlela leyi tirhisiwaka endhawini ya ka n’wina leyi veke ni vuyelo lebyinene eka vanhu lava tshamaka etindhawini leti.
20 min: Ndlela Yo Kuma Ntsako Eku Endleni Ka Vadyondzisiwa. Nkulumo leyi sekeriweke eka Xihondzo xo Rindza xa February 15, 1996, matluka 19-22.
Risimu 91 ni xikhongelo xo pfala.