Tikronika Ta Ku Sungula

25 Se Davhida ni varhangeli va mintlawa va langa vana van’wani va Azafi ku nga Hemani na Yedutani+ swaku va chaya tiharipa, switende+ ni swa ku chaya hi swona swa nsimbi swa ku fana ni maparatu*+ swaku va dzunisa Xikwembu ni ku profeta. Lava va nga langiwa swaku va yendla ntirho lowu hi lava: 2 Ka vana va Azafi a ku na Zakuri, Yosefa, Netaniya na Axarela; Azafi hi yena lweyi a a va rhangela a tlhela a profeta na a rhangeliwa hi hosi. 3 Ka vana va Yedutani+ a ku li 6, ku nga: Gedaliya, Zeri, Yexaya, Ximeyi, Axabiya na Matitiya;+ Yedutani hi yena lweyi a a va rhangela a tlhela a profeta ni ku dzunisa Yehovha hi ku chaya haripa.+ 4 Ka vana va Hemani+ a ku li na Bukiyani, Mataniya, Uziyeli, Xebuwele, Yerimoti, Ananiya, Hanane, Eliyathayi, Jidaliti, Romanti-Yezeri, Yoxibekaxa, Maliloti, Otiri na Mahaziyoti. 5 Lava hinkwavu a ku li vana va Hemani, lweyi a a vona minchumu ya ku hlamalisa hi ndlela ya singita* a gama a yi byela hosi; leswi a a swi vona a swi dzunisa Xikwembu xa ntiyiso. Xikwembu xa ntiyiso xi nyike Hemani 14 wa vana va madjaha ni vana vanharhu va tintombhi. 6 Hinkwavu lava a va rhangeliwa hi papayi wa vona swaku va yimbelela ka yindlo ya Yehovha, hi ku tirhisa switende, tiharipa+ ni swa ku chaya hi swona swa nsimbi swa ku fana ni maparatu ka ntirho lowu a wu yendliwa ka yindlo ya Xikwembu xa ntiyiso.

Lava a va tirha na va rhangeliwa hi hosi a ku li Azafi, Yedutani na Hemani.

7 Hinkwavu ku patsa ni vamakwavu va vona lava a va djondzisiwa ku yimbelelela Yehovha, a va li 288, hinkwavu a va swi kota ku yimbelela kahle. 8 Se va hoxa swiribyani*+ swaku va yavela mintirho, lava vavatsongo ni lava vavakulu, lava a va wu tiva ntirho ni lava a va ha djondza.

9 Xiribyani xa ku sungula xi kombe Yosefa+ n’wana wa Azafi, xa wumbirhi xi kombe Gedaliya+ (yena ni vamakwavu va yena ni vana va yena a va li 12); 10 xa wunharhu xi kombe Zakuri,+ vana va yena ni vamakwavu va yena, hinkwavu a va li 12; 11 xa wu 4 xi kombe Izri, vana va yena ni vamakwavu va yena, hinkwavu a va li 12; 12 xa wu 5 xi kombe Netaniya,+ vana va yena ni vamakwavu va yena, hinkwavu a va li 12; 13 xa wu 6 xi kombe Bukiyani, vana va yena ni vamakwavu va yena, hinkwavu a va li 12; 14 xa wu 7 xi kombe Yexarelaya, vana va yena ni vamakwavu va yena, hinkwavu a va li 12; 15 xa wu 8 xi kombe Yexaya, vana va yena ni vamakwavu va yena, hinkwavu a va li 12; 16 xa wu 9 xi kombe Mataniya, vana va yena ni vamakwavu va yena, hinkwavu a va li 12; 17 xa wu 10 xi kombe Ximeyi, vana va yena ni vamakwavu va yena, hinkwavu a va li 12; 18 xa wu 11 xi kombe Azareli, vana va yena ni vamakwavu va yena, hinkwavu a va li 12; 19 xa wu 12 xi kombe Axabiya, vana va yena ni vamakwavu va yena, hinkwavu a va li 12; 20 xa wu 13 xi kombe Xubayeli,+ vana va yena ni vamakwavu va yena, hinkwavu a va li 12; 21 xa wu 14 xi kombe Matitiya, vana va yena ni vamakwavu va yena, hinkwavu a va li 12; 22 xa wu 15 xi kombe Yeremoti, vana va yena ni vamakwavu va yena, hinkwavu a va li 12; 23 xa wu 16, xi kombe Ananiya, vana va yena ni vamakwavu va yena, hinkwavu a va li 12; 24 xa wu 17 xi kombe Yoxibekaxa, vana va yena ni vamakwavu va yena, hinkwavu a va li 12; 25 xa wu 18 xi kombe Hanane, vana va yena ni vamakwavu va yena, hinkwavu a va li 12; 26 xa wu 19 xi kombe Maliloti, vana va yena ni vamakwavu va yena, hinkwavu a va li 12; 27 xa wu 20 xi kombe Eliyathayi, vana va yena ni vamakwavu va yena, hinkwavu a va li 12; 28 xa wu 21 xi kombe Otiri, vana va yena ni vamakwavu va yena, hinkwavu a va li 12; 29 xa wu 22 xi kombe Jidaliti,+ vana va yena ni vamakwavu va yena, hinkwavu a va li 12; 30 xa wu 23 xi kombe Mahaziyoti,+ vana va yena ni vamakwavu va yena, hinkwavu a va li 12; 31 xa wu 24 xi kombe Romanti-Yezeri,+ vana va yena ni vamakwavu va yena, hinkwavu a va li 12.