Estere

7 Se hosi na Hamani+ va ya ka fexta la Estere Nsati wa Hosi. 2 Hosi yi tlhele yi vutisa Estere hi siku la wumbirhi na yi li ku nweni ka vhinyu yi ku: “U lava ni ku yendlela yini nkatanga Estere? Phela ni ta ku nyika! U lava ni ku yendlela yini? Hambi hafu ya wuhosi la mina ni nga ku nyika yona!”+ 3 Estere a hlamula a ku: “Loko u ni tsakela wena hosi naswona u swi lava, ni kombela u ponisa wutomi la mina ni la vanhu va tiko la mina.+ 4 Hikusa hi xavisiwile,+ mina ni vanhu va tiko la mina swaku hi ta dlayiwa ni ku helisiwa.+ Loko a hi yo xavisiwa swaku hi va swikarawa, a ni ta va ni miyelile. Kambe mhaka leyi yi bihe hintamu hikusa ni hosi yi ta luzekeliwa swinene.”

5 Kutani Hosi Asuwerusi a hlamula Estere a ku: “I mani lweyi a nga tiya a lava ku yendla leswo naswona a kwini?” 6 Estere a ku: “Nala wa kona hi lweyi, i Hamani wa mbilu ya ku biha.”

Hamani a chava hintamu hi mhaka ya hosi ni nsati wa yona. 7 Hosi yi huma afexteni na yi kwatile yi ya ka jardim la yindlo ya yona; Hamani a sekeleka a zama ku xavelela Estere Nsati wa Hosi swaku a nga dlayiwi, hikusa a a swi vona swaku hosi yi tinyimisele ku mu khatisa. 8 Hosi yi suka ka jardim yi tlhelela ndlwini afexteni se yi kuma Hamani na a tiwisile ka xitshamu lexi Estere a a tshame ka xona. Kutani hosi yi ku: “U lava ni ku pfinya nsati wa mina andlwini ka mina ke?” Loko hosi yi gama ku vulavula marito lawa, Hamani a mbhonyiwa nghohe.* 9 Arbona,+ mun’wani wa vatirhi va hosi a ku: “Ku ni mhandzi leyi Hamani a nga yi dzima leswaku ku ta hayekiwa Mordekayi,+ lweyi a nga ponisa hosi.+ Mhandzi leyi yi dzimiwe kaya ka Hamani, yi lehe kolomuyani ka 22 wa mametru.”* Hosi yi ku: “Mu hayekeni ka yona.” 10 Se va hayeka Hamani ka mhandzi leyi a a lava ku dlaya Mordekayi ka yona, kutani hosi yi pumba ku kwata ka yona.